ޖަޕާނުގެ ތާރީހީ ސީރީޒް "ޝޯގަން" އަށް 76 ވަނަ އެމީ އެވޯޑްސްގައި އެންމެ މޮޅު ޑްރާމާ އަދި އެންމެ މޮޅު އެކްޓަރު ހިމެނޭ ގޮތަށް ރެކޯޑް އަދަދަކަށް އިނާމު ލިބިއްޖެ އެވެ.

"ޝޯގަން" އަށް ޖުމްލަ 18 އެވޯޑް ލިބިފައިވާއިރު، މިއީ ޓީވީ ސީރީޒެއްގެ އެއް ސީޒަނަކަށް މިހާތަނަށް ލިބުނު އެންމެ އެވޯޑެވެ. މި މަހުގެ ކުރީކޮޅު ބޭއްވި ކްރިއޭޓިވް އާޓްސް އެމީ އެވޯޑްސްގައި ވަނީ 14 އެވޯޑް ހޯދާފައެވެ.

އެމެރިކާގެ ޓީވީ ޗެނަލް، އެފްއެކްސް އިން ޕްރޮޑިއުސްކުރި މި ޑްރާމާގައި ޔޯޝީ ޓޮރަނާގާގެ ރޯލުން އެންމެ މޮޅު އެކްޓަރުގެ މަގާމު ސަނާޑާ ހިރޮޔުކީއަށް ލިބިފައިވެ އެވެ. އެންމެ މޮޅު ބަތަލާގެ މަގާމު އަނާ ސަވާއީ އަށް ލިބުނުއިރު، ޑްރާމާ ސީރީޒެއް ޑައިރެކްޓް ކުރުމުގެ އިނާމު ލިބުނީ ފްރެޑްރިކް ޓޯޔޭ އެވެ.

ޖަޕާނުގެ ސެންގޯކު ހަނގުރާމަވެރި ދައުލަތްތަކުގެ ދުވަސްވަރަށް ބިނާކޮށް ކުޅެފައިވާ "ޝޯގަން" ގައި ފެނިގެންދަނީ ސަމުރާއީ ހަނގުރާމަވެރިއަކާއި އޭނާގެ ދަށު ދަރަޖައިގެ މީހަކަށް އިނގިރޭސި ނޭވިގޭޓަރެއް ވެގެން ދިޔަ ގޮތުގެ ވާހަކައެވެ.