އެފްއެސްއެމް އިން މުވައްޒަފުންތަކެއް އެކުންފުނީގެ ތެލުން ވައްކަންކޮށް، އޭގެއިން ލިބޭފައިސާ ލޯންޑަރ ކުރަމުން ދާ މައްސަލަ އެއް ފުލުހުން ތަހުގީގު ކުރަމުންދާ ކަމަށް ހޯމް މިނިސްޓަރ ވަނީ ވިދާޅުވެފައެވެ.

މި މައްސަލައިގެ އިތުރު ތަފްސީލު އެކްސްގައި ހާމަ ކުރައްވަމުން އިހްސާން ވިދާޅުވީ، މި މައްސަލާގައި މިހާތަނަށް ފުލުހުންގެ ހާއްސަ ޓީމުތަކުންވަނީ 10 މީހުނާއި 2 ގެ އަދި ތެޔޮ އުފުލާ 2 ބާޖު ބަލައި ފާސްކޮށް މައްސަލަ އާއި ގުޅުން ހުރި އިލެކްޓްރޯނިކް ސާމާނާއި ލިޔެކިޔުން ހޯދާފައި ކަމަށެވެ.

"މި ތަހުގީގު ކުރިއަށް ދާ ވަރަކުން ފުލުހުންގެ ފަރާތުން ދިވެހި ރައްޔިތުންނަށް މައްސަލައާއިގުޅޭ އިތުރު ތަފްސީލު ހާމަކުރައްވާނެ" ކަމަށް މިނިސްޓަރ ވިދާޅުވިއެވެ.

Advertisement

މިފަދަ މައްސަލަތައް ހޯދާ ފުރިހަމައަށް އަވަހަށް ތަހުގީގުކޮށް ވަކި މީހަކު އިސްތިސްނާނުކޮށް ޤާނޫނީ ފިޔަވަޅު އެޅުމަކީ ރައީސް ޑރ. މުއިއްޒު ވަރަށް އިސްކަންދެއްވާ ކަމެއް ކަމަށް މިނިސްޓަރ ވިދާޅުވިއެވެ.

ހޯމް މިނިސްޓަރ ރައީސް މުއިއްޒަށް ވައިޖެހުމަށް މިހެން ވިދާޅުވި އިރު، ނިމިދިޔަ މަޖިލީސް އިންތިޚާބުގައި ސަރުކާރުގެ ކެންޑިޑޭޓުންނަށް ވޯޓު ހޯދަން އެފްއެސްއެމްގެ ތެލުން ވައްކަން ކުރި ކަމުގެ ތުހުމަތުގައި ވަޒީފާ އިން ވަކި ކުރަން ޗިޓު ދީފައިވަނިކޮށް އަނބުރާ ވަޒީފާ އަށް ނެރެފައިވާކަން އެތައް ބަޔަކަށް އެނގެއެވެ.