2024 ވަނަ އަހަރު ބާއްވާ ރައްޔިތުންގެ މަޖިލީހުގެ އިންތިހާބުގެ މަސައްކަތްތަކަށް އިލެކްޝަން ކޮމިޝަން (އީސީ) އިން 300 އަށްވުރެ ގިނަ މުވައްޒަފުން ހޯދަން އިއުލާނުކޮށްފި އެވެ.

އިލެކްޝަން ކޮމިޝަނުން އިއުލާންކުރި މަގާމުތަކުގެ ތެރޭގައި ސެކިއުރިޓީ އާއި ލޮޖިސްޓިކް އޮފިސަރުންނާއި މެނޭޖަރުން އަދި އޮފިސަރުން ފަދަ މަގާމުތައް ހިމެނެ އެވެ. އެގޮތުން ޖުމްލަ 306 މުވައްޒަފުން ހޯދަން އިއުލާންކުރި އިރު، މި މަގާމުތަކަށް ކުރިމަތިލުމުގެ ފުރުސަތު ވަނީ ޑިސެމްބަރު މަހުގެ 31 ވަނަ ދުވަހުގެ މެންދުރުފަހު 3:00އާ ހަމައަށް ހުޅުވާލާފަ އެވެ.

އަންނަ އަހަރު މަޖިލިސް އިންތިހާބު ބާއްވާނެ ތާރީހެއް އިލެކްޝަންސް ކޮމިޝަނުން އަދި ހާމަކޮށްފައެއް ނުވެއެވެ.

Advertisement