05 އޭޕްރީލު 2025

Advertisement

ބްރިޖް ހައިވޭގައި މާރާމާރީ ހިންގަން އުޅުނު ބަޔަކު ހައްޔަރުކޮށްފި

09 ފެބްރުއަރީ 2025

ސިނަމާލެ ބްރިޖު ހައިވޭ މަތިން މާރާމާރީ ހިންގަން އުޅުނުކަމުގެ ތުހުމަތުގައި މޯލްޑިވްސް ޕޮލިސް ސަރވިސް އިން ބަޔަކު ހައްޔަރުކޮށްފިއެވެ.

އާންމުވެފައިވާ ވީޑިއޯއިން ފެންނަގޮތުގައި ހައްޔަރުކުރި މީހުން ތިބީ މޫނުމަތީގައި މާސްކު އަޅައި، ތޫނު ހަތިޔާރު ހިފައިގެން ސައިކަލުތަކުގައެވެ.

މި ހާދިސާގެ ވީޑިއޯ ސޯޝަލް މީޑިއާގައި ފެތުރިފައިވާއިރު، އެ ވީޑިއޯގައި ފެންނަނީ ފުލުހުން މި ޒުވާނުން ހުއްޓުވައި، ހައްޔަރުކުރަމުންދާ މަންޒަރެވެ. މި މީހުން ހައްޔަރުކުރެވުނީ ބްރިޖު ހައިވޭ މަތިން މީހަކަށް ތޫނު ހަތިޔާރު ބޭނުންކޮށްގެން ހަމަލާދޭން އުޅެނިކޮށް ކަމަށް މައުލޫމާތު ލިބެއެވެ.

Advertisement

މާލޭ ސަރަހައްދުގައި މިފަހަކަށް އައިސް ގްރޫޕް މާރާމާރީތައް ވަނީ އިތުރުވެފައެވެ.

ފުލުހުން މި ހާދިސާއާ ގުޅިގެން އަވަސް ފިޔަވަޅު އަޅައި، ތުހުމަތުކުރެވޭ މީހުން ހައްޔަރުކުރުމަކީ ރައްޔިތުންގެ ސަލާމަތާއި ރައްކާތެރިކަމަށް ކުރެވޭ އިތުބާރު އިތުރުވެގެން ދާނެކަމެކެވެ.

Advertisement

ކޮމެންޓް