ހދ. ހަނިމާދު އަށް ވައިގެ މަގުން މަސްތުވާތަކެތި އެތެރެކުރަން އުޅޭ ކަމަށް ލިބުނު މައުލޫމާތަކާ ގުޅިގެން ހިންގި އޮޕަޜޭޝަނުގައި ހަތަރު މީހަކު ހައްޔަރުކޮށްފި އެވެ.

މިމައްސަލައިގައި ހައްޔަރުކޮށްފައި ވަނީ، ނ. ވެލިދޫ، މޯނިން ސަން، ފާޠިމަތު ޝާޙާ ޙަސަން، 20 އާއި ކ. ގުރައިދޫ، ނަލަވާ، ޙުސައިން ޝާވިން، 22، އާއި އައްޑޫ ފޭދޫ، ރަތްވިލާގޭ މުޙައްމަދު ރިޟުވާނު ޢަބްދުއްސައްތާރު، 22، ގެ އިތުރުން ދ. ކުޑަހުވަދޫ، މާހިލް، އަރްސަމް ޢަލީ ވަޙީދު، 28، އެވެ.

މި މީހުން އަތުލައިގަތީ ކުޅުދުއްފުށި ސިޓީ ޕޮލިހާއި ހަނިމާދޫ ޕޮލިހުން ކައުންޓަ ނާކޮޓިކްސް އިންޓެލިޖެންސާ ގުޅިގެން ރޭ ދަންވަރު ހިންގި އޮޕަރޭޝަނުގައި ހަނިމާދޫ އެއާޕޯޓުންނެވެ، އެ މީހުން ހައްޔަރުކޮށް ބަލައިފާސްކުރިއިރު މަސްތުވާތަކެތި ކަމަށް ބެލެވޭ ތަކެތި ފެނިފައިވެއެވެ. އެ ތަކެތީގެ ވަގުތީ ބަރުދަނަކީ 13.85 ގުރާމެވެ.

Advertisement

މި މައްސަލައިގައި އެ މީހުންގެ ބަންދާމެދު ގޮތެއް ނިންމުމަށް ހަނިމާދޫ މެޖިސްޓްރޭޓް ކޯޓަށް ހާޒިރުކުރުމުން ހަތަރު މީހުން ވެސް 30 ދުވަހަށް ބަންދު ކުރުމަށް އަމުރުކޮށްފައިވެ އެވެ.

މި މައްސަަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.