ހދ. ކުޅުދުއްފުށި ސިޓީގައި ސިހުރުގެ މައްސަލަ ބޮޑުވެ، އެރަށު ގެތައް ބަލައި ފާސްކުރުމުގެ އޮޕަރޭޝަނެއް ފުލުހުން ފަށައިފި އެވެ.

މިމައްސަލަ އާއި ބެހޭގޮތުން މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ ކުޅުދުއްފުށީގައި ސިހުރު ހަދާ ކަމަށް ބެލެވޭ މައްސަލައިގައި އެ ރަށުގެ 10 ތަނެއް ބަލައި ފާސްކުރުމުގެ މަސައްކަތް ކުރިއަށްދާ ކަމަށެވެ.

ފަހަކަށް އައިސް ކުޅުދުއްފުށީގައި ސިހުރު ހަދާ މައްސަލަ ބޮޑުވެ އާންމުގެ ޝަކުވާ ވަނީ އިތުރުވެފަ އެވެ.

Advertisement

ސިހުރު ހެދުމުގެ މައްސަލަތަކުގައި މީގެ ކުރިން ވެސް އެކި ރަށްރަށުން ގެތައް ފާސްކޮށް، ބައެއް މީހުން ހައްޔަރު ވެސް ކޮށްފައިވެ އެވެ. ދާދިފަހުން ސިހުރުގެ މައްސަލައެއްގައި ތ. ވިލުފުއްޓާއި ރ. އަލިފުއްޓާއި ރ. މީދޫގެ ގެތަކަކަށް ފުލުހުން ވަދެ، ފާސްކުރި އެވެ.