އިސްރާޢީލުން ވެރިވެގަނެފައިވާ ފަލަސްތީނުގެ ބިންތައް ދޫކޮށްލައި، އެ ބިންތައް ފަލަސްތީނުގެ ރައްޔިތުންނަށް އަނބުރާ ދިނުމަށް އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގޮވާލައްވައިފިއެވެ.

އެމަނިކުފާނު މިފަދައިން ގޮވާލައްވާފައި މިވަނީ ޣައްޒާގައި ވެރިކަން ކުރާ ހަމާސް ޖަމާއަތުން އިޒްރޭލަށް ހަމަލާތައްދީ، ހަމާސް އާއި އިޒްރޭލުން ވެސް ހަނގުރާމަ އިއުލާންކޮށްފައިވާ ދަނޑިވަޅެއްގައެވެ. ދެފަރާތުގެ ހަމަލާތަކާ ގުޅިގެން ދުނިޔޭގެ ގިނަ ގައުމުތަކުގެ ވެރިން ގޮވައިލައްވަމުން ގެންދަވަނީ ހަމަލާ ބަދަލުކުރުން ހުއްޓާލުމަށެވެ.

އިންތިޚާބީ ރައީސް ޑރ.މުޙައްމަދު މުއިއްޒު ކުރެއްވި ޓުވީޓުގައި ވަނީ 1967 ވަނަ އަހަރު އޮތް ސަރަހައްދީ ރޮނގާ ހަމައަށް އިސްރާޢީލުން ފަހަތަށް ޖެހުމާ އެކު ފަލަސްތީނުގެ މިނިވަން ދައުލަތް ބަލައިގަތުމަށް ގޮވާލައްވާފައެވެ. އަދި އެ ދައުލަތުގެ ވެރިރަށަކީ އިރުމަތީ ގުދުސްކަމަށްވާން ޖެހޭނެ ކަމަށްވެސް އެމަނިކުފާނު ވިދާޅުވިއެވެ. ޑރ. މުޢިއްޒު ވަނީ ފަލަސްތީނުގެ ރެފިއުޖީން އެނބުރި އެމީހުންގެ ވަޒަނަށް ދިއުމުގެ ފުރުސަތު ވަގުތުން ދޭން ޖެހޭނެކަމަށްވެސް ވިދާޅުވެފައެވެ.

Advertisement