އެމްޑީޕީ ޤައުމީ މަޖިލީހުގެ ވިލިނގިލި ދާއިރާގެ ރައީސް އިންތިޚާބުކުރުމަށް މިއަދު ބޭއްވި ބައި-އިލެކްޝަނުގައި ޙުސައިން ޙަސަން ކާމިޔާބުކޮށްފި އެވެ.

ނޫސްވެރިއެއްގެ ގޮތިގައި މަސައްކަތްކުރަމުން އައި ހުސައިން ބައި-އިލެކްޝަން ކާމިޔާބުކުރީ ވިލިނގިލި ދާއިރާގެ ކުރީގެ މަޖިލިސް މެންބަރު ސަޢުދު ޙުސައިނާ ވާދަކޮށްގެންނެވެ. ޙުސައިން ޙަސަން ބައި-އިލެކްޝަން ކާމިޔާބުކުރީ 192 ވޯޓުންނެވެ. ސައުދަށް ލިބިވަޑައިގަތީ 172 ވޯޓެވެ.

އެމްޑީޕީ ޤައުމީ މަޖިލީހުގެ ވިލިނގިލި ދާއިރާގެ ރައީސް އިންތިޚާބުކުރުމަށް ވޯޓުލުން ކުރިއަށްގެންދިޔައީ މިއަދު ހެނދުނު 09:00އިން ހަވީރު 4:00 އަށެވެ.

Advertisement

މި ބައި-ލެކްޝަންގައި ވޯޓު ފޮށި ބެހެއްޓީ ވިލިނގިލީގެ އިތުރުން މާލޭގަ އެވެ.

ޙުސައިން ޙަސަން އަކީ ގިނަ އަހަރުތަކެއް ވަންދެން ނޫސްވެރިކަމުގެ ދާއިރާގައި މަސައްކަތްކުރައްވަމުން ގެންދަވާ ބޭފުޅެކެވެ. މީގެ އިތުރުން އޭނާއަކީ މީޑިއާ ކައުންސިލްގެ މެންބަރެއްގެ ގޮތުގައިވެސް ޚިދުމަތްކުރައްވަމުން ގެންދަވާ ބޭފުޅެކެވެ.