04 އޭޕްރީލު 2025

Advertisement

ހައިދަރަށް ލިބިވަޑައިގެންނެވި ފްލެޓް ދޫކޮށްލައްވައިފި

28 ފެބްރުއަރީ 2025

ގެދޮރުވެރިޔާ ސްކީމްގެ ދަށުން 4000 ފްލެޓް ލިބޭ ކަމަށް ކުރީގެ ސަރުކާރުން އިއުލާންކުރި ލިސްޓް ރިވިއުކޮށް އޭގެ ތެރެއިން ޝަރުތު ހަމަވެ ލިބޭ މީހުންގެ ލިސްޓުގައި މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ޑރ. ޢަލީ ޙައިދަރު އަޙްމަދަށް ލިބިލެއްވި ފްލެޓް ދޫކޮށްލައްވައިފިއެވެ.

ހައުސިން މިނިސްޓްރީން މިއަދު ވަނީ ގެދޮރުވެރިޔާ ސްކީމްގެ ދަށުން ދޫކުރަން ނިންމާފައި އޮތް 4000 ފުލެޓުގެ ހައްގުވެރިންގެ ލިސްޓު އާންމުކޮށްފަ އެވެ. މި ލިސްޓުގައިވާ ގޮތުން މިނިސްޓަރު ޙައިދަރު އާއި އަނބިކަނބަލުން މަރްޔަމް ތައުފީގަށް ތިން ކޮޓަރީގެ ފްލެޓެއް ލިބިފައިވަނީ 75 ޕޮއިންޓު ލިބިގެންނެވެ.

އެކްސްގައި ކުރެއްވި ޕޯސްޓެއްގައި ޙައިދަރު ވިދާޅުވީ އޭނާ މިހާރު ހުންނެވި ހައިސިއްޔަތުގެ ގޮތުން އެ ފްލެޓް ލިބުމަށް އުޒުރުވެރިވެވަޑައިގަންނަވާ ކަމަށެވެ. އަދި އެ ދެމަފިރިންނަށްވުރެ ފްލެޓް ހައްގުވާ އެތައް ބައިވަރު އެހެން އާއިލާއެއް ތިބޭނެ ކަމަށާއި އެހެންވެ ފްލެޓް ދޫކުރަން ގަސްދުކުރައްވާ ކަމަށް ވިދާޅުވި އެވެ.

Advertisement

ޙައިދަރު "އެކްސް" ގައި ކުރެއްވި ޕޯސްޓެއްގައިވާ ބަޔާން

ކުރީ ސަރުކާރުން ފްލެޓް ލިބޭނެ ކަމަށް ކަނޑައެޅި ލިސްޓުގައި ތިބި 4،939 މީހުންގެ އެޕްލިކޭޝަންތައް މި ސަރުކާރުން ވެރިފައި ކުރިއިރު، ފްލެޓް ލިބޭނެ ކަމަށް ޝަރުތު ހަމަވީ 1،820 މީހުންނެވެ. އެއީ، ތިން ކޮޓަރި ލިބޭ 1،423 މީހުންނާއި ދެ ކޮޓަރި ލިބޭ 397 މީހެކެވެ.

އެގޮތުން 2،695 އެޕްލިކޭޝަން ޝަރުތު ހަމަނުވާ ކަމަށް ނިންމާފައިވާ އިރު، 424 އެޕްލިކޭޝަނެއް ޕޮއިންޓަށް އައި ބަދަލުތަކާއެކު ލިސްޓުން ވަނީ އުނިކޮށްފަ އެވެ.

Advertisement

ކޮމެންޓް