މާލޭގެ ރަސްމީ ފާލަން ނުވަތަ އިއްޒުއްދީން ފާލަން މަރާމާތު ކުރުމަށްފަހު އަލުން މިރޭ ހުޅުވައިފި އެވެ.

މި ފާލަން ހުޅުވައިދެއްވީ މިރޭ ޖުމްހޫރީ މައިދާނުގައި ބޭއްވި ހާއްސަ ރަސްމިއްޔާތެއްގައި ރައީސް ޑރ. މުހައްމަދު މުއިއްޒު އެވެ.

މިރަސްމިއްޔާތުގައި ރައީސް މުއިއްޒު ވިދާޅުވީ އިއްޒުންދީން ފާލަން ރަމްޒުކޮށްދެނީ ދިވެހިވަންތަކަމާއި، ދިވެހި ފަންނުވެރިކަމާއި، ދިވެހި މާޒީ އާއި މުސްތަގުބަލް ކަމަށެވެ.

Advertisement

ރައީސް ވިދާޅުވީ އިއްޒުއްދީން ފާލަމަކީ ގައުމިއްޔަތު ދިރުވައި އާލާކުރުމުގެ ފިކުރު ބިނާކުރުން ހިމެނޭ ގޮތަށް، މި ސަރުކާރުގެ ގައުމީ ތަރައްގީގެ ސިޔާސަތާ ގުޅިލާމެހޭ ގޮތަށް ފަރުމާކޮށްފައިވާ ފާލަމެއް ކަމަށެވެ.

އިއްޒުއްދީން ފާލަން ތަރައްގީކުރުމުގެ މަޝްރޫއަކީ 2023 ވަނަ އަހަރުގެ އޮގަސްޓު މަހު 11 މިލިއަން ރުފިޔާއަށް އެމްޓީސީސީއާއި ހަވާލުކޮށްގެން ކުރިއަށް ގެންދިޔަ މަޝްރޫއެކެެވެ.