އދ. ދިގުރަށުން 48 މީހުންނާއެކު މާލެއަށް ދަތުރުކުރަމުން ދިޔަ ލޯންޗެއް އަޑިއަށް ދަނިކޮށް ކަނޑުވި އެންމެން ސަލާމަތްކޮށްފި އެވެ. 

ފުލުހުން ބުނީ މިއަދު ހެނދުނު 7:57 ހާއިރު ދިގުރަށުން މާލެއަށް ދަތުރު ކުރި "ހުވަން" ލޯންޗު ދިޔަވެ، އޭގެން ދަތުރުކުރި 45 ފަސިންޖަރުންނާއި ތިން ފަޅުވެރިން ކަނޑުވެ އޮޔާ ދަނިކޮށް ސަލާމަތްކޮށްފައިވާ ކަމަށެވެ. 

ފުލުހުން ބުނީ އެ އެންމެންވެސް ސަލާމަތްކޮށް އަނބުރާ ދިގުރަށަށް ގެންގޮސްފައިވާ ކަމަށާއި، އޭގެ ތެރޭގައި ހަތަރު ކުޑަކުދިން ހިމެނޭ ކަމަށާއި، އަދި އެންމެންގެ ހާލުވެސް ރަނގަޅު ކަމަށް ފުލުހުން ވަނީ ބުނެފައެވެ.

Advertisement

މި ހާދިސާ ފުލުހުން އަންނަނީ ތަހުގީގު ކުރަމުންނެވެ.