38 މީހުންނާއެކު ދަތުރުކުރަމުން ދިޔަ ލޯންޗެއް ދިޔަވަނީ
ކ. ތިލަފުށްޓާ ދިމާ ބޭރުން 38 މީހުންނާއެކު ދަތުރު ކުރަމުންދިޔަ ލޯންޗެއް ފަޅައިގެން ގޮސް ދިޔަވާތީ އެމްއެންޑީއެފުން ހަރަކާތްތެރިވާން ފަށައިފި އެވެ.
އެމްއެންޑީއެފުން ބުނީ ތިލަފުއްޓާއި ދިމާ ބޭރުން ދަތުރުކުރަމުންދާ "ސުވެނިއާ 34" ލޯންޗު ފަޅައިގެން ގޮސް ދިޔަވަމުންދާތީ، މާލެ އޭރިއާ، ކޯސްޓްގާޑް ސެކަންޑް ސްކޮޑްރަން އިން އެ އުޅަނދަށް އެހީތެރިކަން ފޯރުކޮށްދެމުންދާ ކަމަށެވެ.
އެމްއެންޑީއެފުން ބުނީ އެ އުޅަނދުގައި 38 މީހަކު ތިބި ކަމަށާއި އެއީ 34 ޓޫރިސްޓުންނާއި ހަތަރު ފަޅުވެރިން ކަމަށެވެ.
"ސުވެނިއަ 34" ފަޅައިގެން ގޮސް ދިޔަވަމުންދާތީ އެމްއެންޑީއެފުން އެހީތެރިކަން ފޯރުކޮށްދިނުމުގެ މަސައްކަތް ކުރަމުން އަންނައިރު، މިއަދު ހެނދުނު އދ. ދިގުރަށުން މާލެއަށް ދަތުރުކުރި "ހުވަން" ނަމަކަށް ކިޔާ ލޯންޗެއް އަޑިއަށް ދަނިކޮށް، ލޯންޗުން ދަތުރުކުރި 48 މީހުން ވަނީ ސަލާމަތްކޮށްފަ އެވެ.