މިފްކޯގެ މެނޭޖިން ޑިރެކްޓަރު އަދި ސީއީއޯގެ މަގާމުގައި ހުންނެވި ޑރ. ވިޓާލީ ލިއުބިމޮވް ކުއްލި ގޮތަކަށް މަގާމުން ވަކިކޮށްފި އެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ބުނީ އެ މަގާމުން ޑރ. ވިޓާލީ ވަކިކުރީ މިއަދު ކަމަށެވެ. ނަމަވެސް މަގާމުން ވަކިކުރި ސަބަބެއް ހާމަކޮށްފައެއް ނުވެ އެވެ.

މި މަގާމަށް ޑރ. ވިޓާލީ ހަމަޖެއްސީ މިދިޔަ އަހަރުގެ ޑިސެމްބަރު 10 ވަނަ ދުވަހުއެވެ. ޔުކްރޭނަށް ނިސްބަތްވާ ޑރ. ވިޓާލީ އަކީ މިފްކޯގެ ސީއީއޯގެ މަގާމު ފުރުއްވި ރާއްޖެއިން ބޭރުގެ ފުރަތަމަ ފަރާތެވެ.

Advertisement

ޑރ. ވިޓާލީގެ ކުރިން މިފްކޯގެ ސީއީއޯގެ މަގާމުގައި ހުންނެވީ ސަމާހު ރަޝީދެވެ. މިދިޔަ އަހަރުގެ މެއި މަހުގެ ތެރޭގައި އޭނާ ވަނީ މަގާމުން ވަކިކޮށްފަ އެވެ.