04 އޭޕްރީލު 2025

Advertisement

އަޒްމިރާލްދާގެ ދެވަނަ އަޑުއެހުން ވެސް ސިއްރު

15 މާރިޗު 2025

ސުޕްރީމް ކޯޓުގެ ފަނޑިޔާރު ޑރ. އަޒްމިރަލްދާ ޒާހިރުއާ ގުޅޭގޮތުން ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަމުންދާ ދެވަނަ މައްސަލައާ ގުޅިގެން ބާއްވާ އަޑުއެހުންތައް ވެސް ސިއްރު ކުރަން ނިންމައިފި އެވެ.

އަޒްމިރާލްދާގެ ގާނޫނީ ވަކީލް އިބްރާހިމް ޝަމީލް މިއަދު ވިދާޅުވީ، ދެވަނަ މައްސަލަ ވެސް އާއްމުކޮށް ހުޅުވާލައިގެން ކުރިއަށް ގެންދަން އަޒްމިރާލްދާ އެދިވަޑައިގެންނެވި ނަމަވެސް އެ ފުރުސަތު ނުދޭން ކޮމިޝަނުން ނިންމާފައިވާ ކަމަށެވެ. މިގޮތަށް ނިންމީ އާންމު މަސްލަހަތަށް ގެއްލުންވެދާނެތީ ކަމަށް ބުނެ ކަމަށް ޝަމީލް ވިދާޅުވި އެވެ.

ޖޭއެސްސީން އަޒްމިރާލްދާގެ ދެ މައްސަލައެއް ބަލަމުންދާއިރު، ފުރަތަމަ މައްސަލަ ވެސް އާއްމުކޮށް ހުޅުވާލައިގެން ކުރިއަށް ގެންދަން އަޒްމިރާލްދާގެ ފަރާތުން އެދިވަޑައިގެންނެވި ނަމަވެސް ޖޭއެސްސީން ވަނީ އެ އަޑުއެހުން ވެސް ސިއްރުކޮށްގެން ކުރިއަށްގެންދަން ނިންމާފަ އެވެ.

Advertisement

ފަނޑިޔާރު އަޒްމިރާލްދާއާ ގުޅޭ ގޮތުން ޖޭއެސްސީން ބަލަމުން އަންނަ ސުލޫކީ މައްސަލަައަކީ މަސާޖު ޕާލާއަކުން ހައްޔަރުކުރި އަޒްމިރާލްދާގެ ފިރިކަލުން ޑރ. އިސްމާއިލް ލަތީފުގެ ބަންދާމެދު ގޮތެއް ނިންމަން ހާޒިރުކުރުމުން ފަނޑިޔާރުންތަކަކަށް ނުފޫޒު ފޯރުވިކަމަށް ބުނާ މައްސަލަ އާއި ހައި ކޯޓުގެ އެސިސްޓެންޓް ރަޖިސްޓްރާ ހުސައިން މުހައްމަދު ހަނީފް ސުޕްރީމް ކޯޓަށް ހާޒިރުކޮށް، ސުޕްރީމް ކޯޓުގެ އޭރުގެ ފަނޑިޔާރު ހުސްނުއްސުއޫދު "ހުތުރު ބަހުން" ވާހަކަ ދެއްކެވި ކަމަށް ބުނާ މަޖިލީހުގައި ފަނޑިޔާރު އަޒްމިރަލްދާ އިންނެވި މައްސަލަ އެވެ.

ފަނޑިޔާރު އަޒްމިރަލްދާއާ އެކު މި ދެ މައްސަލާގައި ފަނޑިޔާރު މަހާޒު އަލީ ޒާހިރަށް ވެސް ތުހުމަތު ކުރެ އެވެ. އެ ދެ ފަނޑިޔާރުން ވެސް މިވަގުތު ތިއްބެވީ ސަސްޕެންޝަނުގަ އެވެ.

Advertisement

ކޮމެންޓް