04 އޭޕްރީލު 2025

Advertisement

މަންދީއާ ދެކޮޅަށް ދައުވާ ކުރަން ކޯޓަށް މައްސަލަ ހުށަހަޅުއްވައިފި

19 މާރިޗު 2025

ރައީސް ޑރ. މުހައްމަދު މުއިއްޒާއި ފަސްޓް ލޭޑީ ސާޖިދާ މުހައްމަދުގެ ދަރިކަލަކަށް ތުހުމަތުކޮށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ އެކްޓިވިސްޓެއް ކަމަށްވާ މަރިޔަމް ޒުބައިރު (މަންދީ) ދެއްކި ވާހަކަތަކާ ގުޅިގެން އޭނާ އާ ދެކޮޅަށް ދައުވާ ކުރުމަށް ސިވިލް ކޯޓަށް ހުށަހަޅައިފި އެވެ.

މިކަން ހިއްސާކޮށްފައި ވަނީ ކުރީގެ އެޓާނީ ޖެނެރަލް އާއިޝަތު އާޒިމާ ޝަކޫރުގެ ލޯ ފާމުން މިއަދު ނެރުނު ބަޔާނެއްގަ އެވެ.

އާޒިމާ ޝަކޫރުގެ ލޯ ފާމުން މިއަދު ނެރުނު ބަޔާން / ފޮޓޯ: އާޒިމާ ޝަކޫރު - އެކްސް އެކައުންޓް

އެ ބަޔާނުގައި ބުނީ ރައީސް ޑރ. މުހައްމަދު މުއިއްޒާއި ފަސްޓް ލޭޑީ ސާޖިދާ މުހައްމަދުގެ ދަރިކަލުންނަށް ނިސްބަތްކޮށް މަންދީ ދައްކާފައިވާ ވާހަކަތަކުގެ ސަބަބުން، ދަރިކަލުންގެ ނަފުސަށާއި ފުރާނައަށް ނުރައްކާވާނެ ހާލަތެއް މެދުވެރިކޮށް، ކިޔެވުމަށާއި މުސްތަގުބަލަށް ބޮޑެތި ގެއްލުންތަކެއް ކުރިމަތިވާނެ ހާލަތެއް މެދުވެރިކޮށްފައިވާ ކަމަށެވެ.

އަދި އެ ވާހަކަތަކުގެ ސަބަބުން ގާނޫނުއަސާސީ އާއި ކުޑަކުދިންގެ ހައްގުތައް ރައްކާތެރި ކުރުމުގެ ގާނޫނާއި، ކުޑަކުދިންގެ ހައްގުތައް ރައްކާތެރި ކުރުމާބެހޭ ބައިނަލްއަގްވާމީ މުއާހަދާއިން ކަށަވަރުކޮށްދީފައިވާ ރައްކާތެރިކަމާއި ކަރާމާތް ދަރިކަލުންގެ ކިބައިން ނަގާލާފައިވާ ކަމަށް ބަޔާނުގައި ބުނެފައިވެއެވެ.

ގާނޫނު އަސާސީން ކަށަވަރުކޮށްދީފައިވާ ނަމާއި އަބުރު ރައްކާތެރިކުރުމުގެ ހައްގު ނިގުޅައިގެންފައިވާތީ ޑރ. މުހައްމަދު މުއިއްޒާއި ފަސްޓް ލޭޑީ ސާޖިދާ މުހައްމަދުގެ ދަރިކަލުން އުމައިރުގެ މަންމަ، ސާޖިދާ މުހައްމަދުގެ ފަރާތްޕުޅުން ވަނީ މަންދީގެ މައްޗަށް ދައުވާ ކޮށްދިނުމަށް އެދި މައްސަލަ ހުށަހަޅާފައި ކަމަށް އާޒިމާ ވިދާޅުވި އެވެ.

Advertisement

ކޮމެންޓް