ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝަމްއާން ވަހީދު މަގާމުން ވަކިކޮށްފި އެވެ. 

މައުލޫމާތު ލިބިފައިވާ ގޮތުގައި ރައީސް ޑރ. މުހައްމަދު މުއިއްޒު ޝަމްއާން މަގާމުން ވަކިކުރަން ނިންމެވީ މިއަދު އެވެ. ނަމަވެސް ޝަމްއާން މަގާމުން ވަކިކުރި ވަކި ސަބަބެއް އަދި ވަނީ ސާފުވާ ގޮތް ނުވެފަ އެވެ.

އިމިގްރޭޝަން ކޮންޓްރޯލަރުގެ މަގާމުން ޝައްމާނު ވަކިކޮށްފައި މިވަނީ އެ އިދާރާގެ ބައެއް މުވައްޒަފުން ބިދޭސީ މަސައްކަތްތެރިންގެ އަތުން ނާޖާއިޒު ފައިދާ ހޯދާ ކަމަށް ތުހުމަތު ކުރެވޭ މައްސަލަތަކެއް ބަލަމުންދާ ކަމަށް ފުލުހުން ބުނެފައި ވަނިކޮށެވެ.

Advertisement

އިމިގްރޭޝަން ކޮންޓްރޯލްގެ މަގާމަށް ޝައްމާން އައްޔަންކުރީ 2023، ނޮވެމްބަރު 19 ގަ އެވެ. އޭނާ އަކީ މީގެކުރިން ވެސް ގިނަ ދުވަސްތަކެއް ވަންދެން އިމިގްރޭޝަނުގައި ވަޒީފާ އަދާކުރި ފަރާތެކެވެ.