ރޯދަ މަހުގައި މުސްލިމުންގެ މެދުގައި އުފެދޭ އެއް ސުވާލަކީ ރޯދަ އަށް ހުޓާ ނިދީގައި މަނި ބޭރުވުމުން ރޯދަ ގެއްލޭނެތޯ އެވެ. މި މައްސަލައިގައި ދީނީ އިލްމުވެރިން އިއްތިފާޤު ވެފައިވަނީ ނިދީގައި މަނި ބޭރުވުމަކުން ރޯދަ ނުގެއްލޭނެ ކަމަށެވެ.

އިސްލާމީ ޝަރީޢަތުގައި ރޯދަ ގެއްލޭނީ ގަސްތުގައި ކުރާ ކަންތައްތަކުންނެވެ. ނިދީގައި މަނި ބޭރުވުމަކީ އިންސާނާގެ އިޚްތިޔާރުން ބޭރުގައިވާ ކަމެކެވެ. އެހެންކަމުން، މިފަދަ ޙާލަތެއްގައި ރޯދަ ނުގެއްލޭނެއެވެ.

ނަމަވެސް، މިފަދަ ޙާލަތެއް މެދުވެރިވެއްޖެނަމަ އަމަލުކުރަންވީ ގޮތްތަކެއް ވެއެވެ: 

Advertisement

1. ވަގުތުން ހޭލެވުމުން ޣުސްލު ކުރަންވާނެއެވެ. ("ޣުސްލު" ކުރުމަކީ މުޅި ހަށިގަނޑު ފެނުން ދޮވެ ސާފުކުރުމެވެ. މިއީ ޖުނުބުވެރިކަމުން ޠާހިރުވުމަށް ކުރާ ޚާއްޞަ ފެންވެރުމެކެވެ.)

2. ރޯދަ ދެމެހެއްޓުމަށްޓަކައި ކެއުމާއި ބުއިމުން ދުރުހެލިވާންވާނެއެވެ.

3. އެދުވަހުގެ ރޯދަ ފުރިހަމަ ކުރަންވާނެއެވެ.

4. ރޯދަ ގެއްލުނު ކަމަށް ނުބެލޭނެތީ، ޤަޟާ ކުރާކަށް ނުޖެހޭނެއެވެ.

އިސްލާމިކް ނޮލެޖް ވައިބަރ ގްރޫޕް ގައި ޝެއިހް އަޙްމަދު މިހްސާން މުހައްމަދު ދެއްވާފައިވާ ޖަވާބުގެ ސްކްރީން ޝޮޓެއް

ރޯދަ މަހުގައި ޝަހުވަތްތެރި ޚިޔާލުތަކުން ދުރުހެލިވުމަށް މަސައްކަތް ކުރުމަކީ މުހިންމު ކަމެކެވެ. މިކަމުން އިޙްތިލާމްވުމުގެ ފުރުޞަތު ކުޑަވާނެއެވެ. ރޯދަ މަހުގައި ނިދީގައި އިޙްތިލާމްވުމަކީ ރޯދަ ގެއްލޭ ކަމެއް ނޫނެވެ. ނަމަވެސް، އިސްލާމްދީނުގެ އުޞޫލުތަކާ އެއްގޮތަށް ޢަމަލުކޮށް، ޠަހާރަތްތެރިވެ، ރޯދަ ފުރިހަމަކުރުމަކީ ކޮންމެ މުސްލިމެއްގެ ވާޖިބެކެވެ. މި މައްސަލައާ ގުޅޭގޮތުން އިތުރު ސުވާލެއް އޮތްނަމަ، އިތުބާރުހުރި ދީނީ ޢިލްމުވެރިއެއްގެ ލަފާ ހޯދުމަކީ އެންމެ ރަނގަޅު ގޮތް ކަމުގައި ދަންނަވަމެވެ.