އަންނަ އަހަރަށް ލަފާކުރާ ބަޖެޓް ރައްޔިތުންގެ މަޖިލީހަށް ހުށައެޅުމުގެ މަސައްކަތް ކުރަމުން އަންނަކަމަށާއި ސުންގަޑީގެ ކުރިން ބަޖެޓް ހުށައަޅާނެކަމަށް ފިނޭންސް މިނިސްޓްރީން ވިދާޅުވެއްޖެއެވެ.

ކޮންމެ އަހަރަކުވެސް އޮކްޓޯބަރުމަސް ނިމުމުގެ ކުރިން ކުރިއަށްއޮތް އަހަރަށް ލަފާކުރާ ބަޖެޓް މަޖިލީހަށް ހުށަހަޅައެވެ. އެހެންކަމުން މި މަސް ނިމުމުގެ ކުރިން ބަޖެޓް މަޖިލީހަށް ހުށަހަޅަންޖެހެއެވެ.

ފިނޭންސް މިނިސްޓްރީން ވިދާޅުވީ އަންނަ އަހަރަށް ހުށަހަޅާ ބަޖެޓް ޤާނޫނުގައި ބުނާ ސުންގަޑީގެ ކުރިން ހުށަހަޅާނެކަމަށެވެ. އަދި އެކަމަށްޓަކައި ކުރަންޖެހޭ މަސައްކަތްތައް ކުރަމުންދާކަމަށްވެސް މިނިސްޓްރީން ވިދާޅުވެއެވެ.

Advertisement

ފިނޭންސް މިނިސްޓްރީގެ ފިސްކަލް ސްޓްރެޓެޖީ ރިޕޯޓްގައިވާގޮތުން ބޭސްލައިން ޚަރަދާއ،ި ޚަރަދު ކުޑަކުރުމަށް އަޅާ ފިޔަވަޅުތަކުން ސަލާމަތްކުރެވޭނެ ޢަދަދުތަކާއ،ި ބަޖެޓުގައި ހިމަނާ އައު މަޝްރޫޢުތަކާއި ޕްރޮގްރާމްތަކަށް ބަލައި 2024 ވަނަ އަހަރުގެ ދައުލަތުގެ ޖުމުލަ ބަޖެޓުގެ އަންދާޒާއަކީ 50.6 ބިލިއަން ރުފިޔާކަމަށެވެ. މިއީ މި އަހަރު ބަޖެޓު ހުންނާނެ ކަމަށް ލަފާކުރެވޭ މިންވަރާއި އަޅާބަލާއިރު 5.3 އިންސައްތަ އިތުރު އަދެދެއްކަމަށްވެސް އެ ރިޕޯޓްގައި ވަނީ ބުނެފައެވެ.

އަންނަ އަހަރުގެ ބަޖެޓު އެކުލަވައިލުމުގެ މަސައްކަތް ކުރިއަށްދަނީ އިންތިހާބީ ރައީސް ޑރ. މުހައްމަދު މުއިއްޒު އައްޔަންކޮށްފައިވާ ކޮމިޓީއަކާއި ގުޅިގެންކަމަށް ފިނޭންސް މިނިސްޓްރީން ވިދާޅުވެއެވެ.