މާލެ އަތޮޅު ރިޓްޒްކާލްޓަން ފަރި އައިލެންޑް ރިސޯޓް ކައިިރީގައި އޮތް ޔޮޓެއްގައި އަލިފާނުގެ ހާދިސާއެއް، ޔޮޓަށް ބޮޑެތި ގެއްލުންތަކެއް ލިބިއްޖެއެވެ.

އެމްއެންޑީއެފްއިން ވިދާޅުވީ މި ހާދިސާގެ ރިޕޯޓް ލިބިފައިވަނީ މިއަދު ހެނދުނު 7:37 ހާއިރުކަމަށާއި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓް ނުލިބޭކަމަށެވެ.

އެމްއެންޑީއެފްއިން ވިދާޅުވީ އަލިފާނުގެ ހާދިސާ ހިނގި މެޖެސްޓީ 62 ނަމަކަށް ކިޔާ ޔޮޓެއްގައިކަމަށާއި، އެ ޔޮޓްގައި ތިބި ޓޫރިސްޓުންނާއި ފަޅުވެރިން އެހެންލޯންޗަކަށް ނަގާފައިވާ ކަމަށެވެ. އަދި ޔޮޓްގައި 4 ފަޅުވެރިން ތިބިކަމަށް އެމްއެންޑީއެފްއިން މައުލޫމާތުދެއްވައެވެ. ނަމަވެސް ޔޮޓްގައި ތިބި ޓޫރިސްޓުންގެ އަދަދެއްގެ ނޭނގެއެވެ.

Advertisement

އަލިފާނުގެ ހާދިސާއާ ގުޅިގެން އެމްއެންޑީއެފް ފަޔަރ އެންޑް ރެސްކިއުއިން ވަނީ ހަރަކާތްތެރިވެފައެވެ. ނަމަވެސް ޔޮޓަށް ލިބުނު ގެއްލުންތަކުގެ ތަފްސީލެއް މިހާތަނަށް އެއްވެސް ފަރާތަކުން ހާމަކޮށްފައެއް ނުވެއެވެ. އަދި މި ހާދިސާ ހިނގަން މެދުވެރިވި ސަބަބެއްވެސް މިހާތަނަށް ހާމަކޮށްފައެއް ނުވެއެވެ.