ރައްޔިތުންގެ މަޖިލީހުގެ ތަޅުމުގައި އަޑުގަދަކޮށް، މެމްބަރުންނަށް އުނދަގޫ ކުރުމުން ކާށިދޫ ދާއިރާގެ މެމްބަރު ޖާބިރުގެ ނަން އިއްވައިފިއެވެ.

މަޖިލީހުގެ ރިޔާސަތުގައި އިންނެވި ރައީސް މުހައްމަދު އަސްލަމް، ރޮޒައިނާގެ ނަން އިއްވާފައިވަނީ ތަޅުމުގައި އަޑުގަދަކޮށް، ވާހަކަ ދައްކަވަމުން ހުންނެވި ނިލަންދޫ ދާއިރާގެ މެމްބަރު، އަލީ ރިޒާ އުނދަގޫކޮށް، ވާހަކަ ދައްކަން ހުރަސް އެޅުމުންނެވެ. ރިޒާގެ ވާހަކަތައް ފެށުމާއި އެކީ ޖާބިރު ވަނީ މަޖިލީހުގެ އަޑުގަދަކޮށް ވާހަކަތަކަށް ހުރަސް އަޅުއްވާފައެވެ.

ރިޒާގެ ވާހަކަތަކަށް މެމްބަރު ޖާބިރު ހުރަސް އެޅަމުން ވަނީ ނިޒާމީ މައްސަލައަކަށް ފުރުސަތު ދެއްވުމަށް ގޮވާލައްވާފައެވެ. ނަމަވެސް ޖާބިރަށް އެ ފުރުސަތެއް ލިބިފައެއް ނުވެއެވެ. އެފުރުސަތު ނުލިބުމުން ޖާބިރު ވަނީ ރިޒާއަށް ވާހަކަދައްކަން ހުރަސް އެޅުމުގެ ގޮތުން މައިކް ވެސް ދުރުކޮށްފައެވެ. މިކަން ޖާބިރު ވަނީ ދެފަހަރެއްގެ މަތިން ކޮށްފައެވެ.

Advertisement

ޖާބިރުގެ އަމަލުތައް ހުރި ގޮތުން މަޖިލީހުގެ ރައީސް ވަނީ މަޖިލީހުގެ ގަވައިދަށް ހުރުމަތްތެރިކޮށް ހިތުމަށް ޖާބިރަށް ނަސޭހަތް ދެއްވާފައެވެ. ދެފަހަރެއްގެ މަތިން ނަސޭހަތްތެރިވެ، އަސްލަމް ވަނީ ޖާބިރުގެ ނަން އިއްވައި، މަޖިލިހުގެ މާލަން ދޫކުރައްވައި ބޭރަށް ވަޑައިގަތުމަށް ދަންނަވާފައެވެ.

ޖާބިރުގެ ނަން މަޖިލީހުގެ ތަޅުމުގައި އިއްވި ނަމަވެސް، ޖާބިރު ވަނީ ބޭރަށް ނުނުކުމެ، މަޖިލިސް ހުސްވަގުތަށް ދިއުމާއި ހަމައަށް ތަޅުމުގައި މަޑުކޮށްފައެވެ.

އެނގިފައިވާ ގޮތުގައި ޖާބިރު މަޖިލީސް ތަޅުމުގައި އަޑުގަދަކޮށް، ނިޒާމީ މައްސަލައެއް ނަގަން މަސައްކަތް ކޮށްފައިވަނީ މަޖިލީހުގެ ނައިބު ރައީސްއަކު ހޮވުމަށް ރޭ ބޭއްވި މަޖިލިސް ޖަލްސާގައި ހޯރަފުށި ދާއިރާގެ މެންބަރު އަހުމަދު ސަލީމް އެ މަގާމަށް އިންތިހާބު ކުރުމަށް އެމްޑީޕީން ނެރެފައިވާ ވިޕް ލައިނާއި ޖާބިރު ހިލާފުވުމުންނެވެ. އެމައްސަލައާއި ގުޅިގެން މިކަމާ ގުޅިގެން އެމްޑީޕީ ޕީޖީ ގްރޫޕްގެ ސްޕޯކްޕާސަން ވެލިދޫ ދާއިރާގެ މެންބަރު މުހައްމަދު ޝަފީގްް ވަނީ ޖާބިރުއަށް ފިޔަވަޅު އަޅައިދިނުމަށް އެމްޑީޕީގެ ޕީޖީ ގްރޫޕަށް ދަންނަވާފައެވެ.