ކުރީގެ ޓޫރިޒަމް މިނިސްޓަރ، އަލީ ވަހީދު އަލުން އެމްޑީޕީއަށް އަށް ސޮއި ކުރައްވައިފިއެވެ.

މިއަދު "އެކްސް"ގައި ކުރެއްވި ޕޯސްޓެއްގައި އޭނާ ވިދާޅުވީ، 7 އަހަރާއި 7 ދުވަހަށްފަހު އަލުން އަނބުރާ އެމްޑީޕިއަށް ސޮއިކޮށްފައިވާ ކަމަށެވެ. އަދި އަލުން އެމްޑީޕީއަށް އައީ ފަހުރުވެރި އެމްޑީޕީގެ މެމްބަރެއްގެ ގޮތުގައި ކަމަށް ވެސް އޭނާ ވިދާޅުވިއެވެ.

"7 އަހަރާއި 7 ދުވަސް ފަހުން އަލުން އަނބުރާ އަޅުގަނޑު އެމްޑީޕީއަށް މިއަައީ ފަހުރުވެރި މެންބަރެއްގެ ގޮތުގައި". އަލީ ވަހީދުގެ ޕޯސްޓުގައިވެއެވެ.

Advertisement

"އިރާދަފުޅުން އެމްޑީޕީއަށާއި، މުޅި ރާއްޖެއާއި. ރާއްޖޭގެ ރައްޔިތުންނަށް ކާމިޔާބަށް އެދި ހިތްވަރާއި މުރާލިކަމާއި އެކު ހިދުމަތް ކުރާނަން". އެމްޑީޕީގެ ކުރީގެ ޗެއާޕާސަންކަން ވެސް ކުރައްވާފައިވާ އަލީ ވަހީދު އިތުރަށް ވިދާޅުވިއެވެ.

އަލީ ވަހީދު އެންމެ ފަހުން ހުންނެވީ ޖުމްހޫރީ ޕާޓީގައެވެ. އެއީ މިދިޔަ ރިޔާސީ އިންތިބާގެ ދުވަސްވަރުއެވެ. އޭގެ ކުރިން އަލީ ވަހީދު ހުންނެވީ އެމްޑީޕީގައެވެ. އަލީ ވަހީދުގެ ސިޔާސީ ހަޔާތް ފެށުނީ ކުރީގެ ރައީސް މައުމޫން އަބްދުލް ގައްޔޫމް ހެއްދެވި ޑީއާރުޕީންނެވެ.

އަލީ ވަހީދު ރާއްޖެ ދޫކުރައްވައި އިނގިރޭސިިވިލާތަށް ވަޑައިގަތީ މިދިޔަ ސަރުކާރުގެ ޓޫރިޒަމް މިނިސްޓަރަކަށް ހުންނެވިއިރު، ކުރިމަތިވި ޖިންސީ ފުރައްސާރައިގެ ތުހުމަތުތަކާއި ގުޅިގެންނެވެ. އިނގިރޭސިވިލާތުގައި ގިނަ އަހަރުތަކެއް ވަންދެން މަޑު ކުރުމަށްފަހު، ދައުވާތައް އަނބުރާ ގެންދެވުމުން އޭނާ ރާއްޖެ ވަޑައިގެންފައިވަނީ މިއަހަރުގެ ޖުލައި މަހުގެ 11 ވަނަ ދުވަހުއެވެ.

އަލީ ވަހީދު މިހާރު އަންނަނީ އެޓޯލްސް އެފްސީގެ ނަމުގައި އަމިއްލަ ފުޓްބޯޅަ ކްލަބެއް އުފައްދައިގެން އެކްލަބުގެ މަސައްކަތުގައެވެ.