ވޭސްޓް މެނޭޖުމަންޓު ކޯޕަރޭޝަން (ވެމްކޯގެ) ޑެޕިއުޓީ މެނޭޖިން ޑިރެކްޓަރު ކަމަށް މުހައްމަދު އަބްދުލް ކަރީމް (ރުކުމާ) އައްޔަން ކުރައްވައިފިއެވެ.

ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެމްބަރުކަންވެސް މީގެ ކުރިން ކުރެއްވި ރުކުމާ މި މަގާމަށް އައްޔަން ކުރެއްވީ މިއަދުއެވެ.

ސަރުކާރުގެ އެކި ކުންފުނިތަކަށް އެމްޑިންނާއި ޑިއެމްޑީން އައްޔަން ކުރަމުންދާއިރު ސިޔާސީ މަގާމުތަކަށްވެސް ގެންދަނީ މީހުން އައްޔަން ކުރަމުންނެވެ.

Advertisement

ރުކުމާ މީގެ ކުރިން އެމްޑީޕީގައި މަސައްކަތްކުރުމަށްފަހު ޕީޕީއެމާއި ފަހުން ވަނީ ގުޅިވަޑައިގެން ސިޔާސީ މަސައްކަތްތަކުގައި އުޅުއްވާފައެވެ.

ވެމްކޯގެ ޑީއެމްޑީ ކަމަށް ރުކުމާ އައްޔަން ކުރެއްވި އިރު މިއަދު ވަނީ ފެނަކަ ކޯޕަރޭޝަނަށް ދެ ޑީއެމްޑީން އައްޔަން ކުރައްވާފައެވެ.