ޕާޓީއަށް ވަންނަ މީހުންގެ ޢަދަދު އިތުރުވެ، 4 ވަނައަށް އެންމެ މެންބަރުން ގިނަ ޕާޓީއަކަށް ވެރިކަމަށްކުރާ ޕާޓީ، ޕީޕަލްސް ނެޝަނަލް ކޮންގްރެސް، ޕީއެންސީ ވެއްޖެއެވެ.

އިލެކްޝަންސް ކޮމިޝަނުގެ ދަފްތަރުގައި 10 ސިޔާސީ ޕާޓީއެއް އެބައޮތެވެ. އަދި ދިހަ ހާސް މެންބަރުން ހަމަވެ، އެ 10 ސިޔާސީ ޕާޓީގެ ތެރެއިން އަންނަ އަހަރުގެ ދައުލަތުގެ ބަޖެޓުން ފައިސާ ލިބެނީ 6 ޕާޓީއަކަށެވެ. އަލަށް ދިހަ ހާސް މެންބަރުން ހަމަވެ ދައުލަތުގެ ބަޖެޓުން ފައިސާ ލިބޭ ޕާޓީއަކީ ޕީއެންސީއެވެ.

ދައުލަތުގެ ބަޖެޓުން ފައިސާ ލިބޭ ސިޔާސީ ޕާޓީތައް

- އެމްޑީޕީ

- ޕީޕީއެމް

- ޖުމްހޫރީ ޕާޓީ

- ކޮންގްރެސް ޕާޓީ

- ޢަދާލަތު ޕާޓީ

- އެމްޑީއޭ

ވެރިކަންކުރާ ޕާޓީ، ޕީއެންސީގައި މިއަހަރުގެ ފެބުރުވަރީ 21ގެ ނިޔަލަށް ތިބީ 3159 މެންބަރުންނެވެ. ނަމަވެސް ރިޔާސީ އިންތިޚާބު ކާމިޔާބުކުރެވުމާއި ގުޅިގެން އެޕާޓީއަށް މެންބަރުން އިތުރުކުރުމަށް އިސްކަންދެއްވައިގެން ޚާއްޞަ މަސައްކަތްތަކެއް ކުރެއްވިއެވެ.

ޕީއެންސީން ބުނެފައިވަނީ އެ ޕާޓީގެ ޢަމާޒަކީ މިއަހަރު ނިމުމުގެކުރިން ތިރީސް ހާސް މެންބަރުން ހަމަކުރުންކަމަށެވެ.