މި ސަރުކާރުން މަރުގެ ހުކުމް ތަންފީޒުކުރަން ނިންމާފައިވާކަން އިއުލާން ކުރުމާ ގުޅިގެން ކުރީގެ ރައީސް މައުމޫން އަބްދުލް އެކަމާ ގުޅޭ ގޮތުން ދެއްކެވި ވާހަކަ އިސްލާމިކް މިނިސްޓްރީ އާއި ފަތުވާ ކޮމިޓީން ބަލައި ފިޔަވަޅު އެޅުމަށް ޝެއިހް އާދަމް ނިޝާން ގޮވާލައްވައިފި އެވެ.

މަރުގެ ހުކުމް ތަންފީޒުކުރާނެ ކަމަށް ސަރުކާރުން ބުނުމާ ގުޅިގެން ރާއްޖޭގައި 30 އަހަރު ވެރިކަން ކުރެއްވި އަދި މިހާރުފެ ޑިފެންސް މިނިސްޓަރު ގައްސާން މައުމޫންގެ ބައްޕާފުޅު ސޯޝަލް މީޑިއާ ޕޯސްޓެއްގައި ވިދާޅުވީ މަރުގެ ހުކުމް ތަންފީޒު ކުރުމަކީ ގައުމީ ތަރައްގީގެ އުސް ލަނޑުދަނޑިއެއް ކަމަށް ދެނެވަޑައިނުގަންވާ ކަމަށެވެ.

ގިސާސް ހިފުން ނުވަތަ މަރަށް މަރުހުމަކީ އިސްލާމީ ޝަރީއަތުގައި ކަނޑައަޅާފައި އޮންނަ ހުކުމެކެވެ.

Advertisement

"އިސްލާމިކް މިނިސްޓްރީ އާއި ފަތުވާ ކޮމިޓީ އަށް ގޮވާލަނީ ވަގުތުން ވަގުތަށް މި މައްސަލަ ބަލައި ފަތުވާ ނެރެ، ދީނުގެ ޙުކުމްތަކަށް ފާޅުގައި އިންކާރު ކުރާ މިފަދަ ފަރާތްތަކަށް ފިޔަވަޅު އަޅައި ދިނުމަށް." ނިޝާން ވިދާޅުވި އެވެ.

އޭނަ ވިދާޅުވީ " މިތިބީ މި މައްސަލައިގާ ފަތުވާ ކޮމިޓީގެ ކުއްލި އަވަސް ފަތުވާއެއް އަންނާނެކަމުގެ އުންމީދުގައި" ކަމަށެވެ.