މޯލްޑިވްސް ކޮލިފިކޭޝަން އޮތޯރިތީ (އެމްކިއުއޭ)ގެ ސީއީއޯ އަކަށް, ހަޔާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު މަރިޔަމް ފިޒާނާ ރަޝީދު އައްޔަން ކުރައްވައިފި އެވެ.

ހަޔާ އެޑިއުކޭޝަން މިނިސްޓްރީން މިއަދު ވަނީ ފިޒާނާ އެ މަގާމަށް އައްޔަން ކުރައްވައި އޭނާއަށް މަރުހަބާ ކިޔާފައެވެ. އަދި ފިޒާނާ ވަނީ ހަޔާ އެޑިއުކޭޝަން މިނިސްޓަރު ޑރ. މަރިޔަމް މާރިޔާ އާއެކު އެމްކިއުއޭގެ މުވައްޒަފުންނާ ބައްދަލުކުރައްވާފަ އެވެ.

ފިޒާނާ އަކީ މީގެ ކުރިން އެމްކިއުއޭގެ ޑިރެކްޓަރ ޖެނެރަލްގެ މަގާމާއި، މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ)ގެ ފެކަލްޓީ އޮފް އެޑިޔުކޭޝަންގެ ޑީންގެ މަގާމު 2017 އިން 2021 އަށް އަދާކުރައްވާފައިވާ ބޭފުޅެކެވެ.

Advertisement

ފިޒާނާ އެމްކިއުއޭގެ ސީއީއޯގެ މަގާމަށް އައްޔަނު ކުރުމުގެ ކުރިން އެ މަގާމު ފުރުއްވީ ޑރ. އަބްދުލް ހައްނާނެވެ.