ރެޖިސްޓްރާ އޮފް ކޮންޕެނީސްގެ މަގާމަށް މަރިޔަމް ޝަމްއާ އިސްމާޢީލް މިއަދު އައްޔަންކޮށްފިއެވެ.

ރަޖިސްޓްރާ އޮފް ކޮމްޕެނީސްގެ މަގާމަށް ޝައްމަ ހަމަޖެއްސީ ކުރިން އެ މަގާމު ފުރުއްވި މަރިޔަމް ވިސާމް މި މަހުގެ 1 ގައި އިސްތިއުފާ ދެއްވުމުންނެވެ.

އޭނާ އެ މަގާމަށް އައްޔަން ކުރިކަން ހާމަކުރައްވާ އިކޮނޮމިކް މިނިސްޓާ މުޙައްމަދު ސައީދު ކުރެއްވި ޕޯސްޓެއްގައި ވަނީ ޝަމްއާއަށް މަރުޙަބާ ދަންނަވާ ކާމިޔާބީއަށް އެދިވަޑައިގެންފައެވެ.

Advertisement

ޝަމްއާއަކީ ބެޗްލާސް އޮފް ލޯ ހާސިލުކުރައްވާފައިވާ ބޭފުޅެކެވެ. އެގޮތުން އޭނާ ބެޗެލާސް ހާސިލްކުރެއްވީ ޔުނިވާސިޓީ އޮފް ދަ ވެސްޓް އޮފް އިންގްލެންޑް ބްރިސްޓްލް އިންނެވެ.

މި މަގާމަށް ހަމަޖެއްސުމުގެ ކުރިން ޝަމްއާ ހުންނެވީ ކޮންސިއުމާ އޮމްބަޑްސްމަންގެ މަގާމުގަ އެވެ. އޭގެ ކުރިން އޭނާ ވަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ލީގަލް ކޮންސަލްޓަންޓެއްގެ މަގާމު ވެސް ފުރުއްވާފަ އެވެ.

އަދި މީގެ އިތުރުން ޝަމްއާ ވަނީ ހިއުމަން ރައިޓްސް ކޮމިޝަންގެ ޑިރެކްޓާ އޮފް ލީގަލް އެންޑް ޕޮލިސީ އެފެއާޒްގެ މަޤާމާއި ސުޕްރީމް ކޯޓުގެ ރަޖިސްޓްރާގެ މަޤާމު ވެސް ކުރިން އަދާކުރައްވާފައެވެ.