މި އަހަރުގެ ފުރަތަމަ ހަތަރު މަހުގެ ތެރޭގައި ރާއްޖެއިން މަސް އެކްސްޕޯޓްކުރި މިންވަރު މިދިޔަ އަހަރުގެ މި މުއްދަތާ އަޅާބަލާއިރު 45.7 ޕަސެންޓް ދަށަށް ހިނގައްޖެ އެވެ.

ލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތައް ދައްކާ ގޮތުން މި އަހަރުގެ ޖެނުއަރީން އޭޕްރީލްގެ ނިޔަލަށް ބޭރުކޮށްފައިވަނީ 19،060 މެޓްރިކް ޓަނުގެ މަހެވެ. މިއީ މިދިޔަ އަހަރުގެ މި މުއްދަތުގައި ބޭރުކުރި 35،081 މެޓްރިކް ޓަނުގެ މަހާ އަޅާބަލާ އިރު، 16،021 މެޓްރިކް ޓަނުގެ މަދުވުމެވެ.

ފުރަތަމަ ހަތަރު މަސް ބޭރުކުރި މިންވަރު:

* ޖެނުއަރީ: 4،475 މެޓްރިކް ޓަނުގެ މަސް

* ފެބްރުއަރީ: 6،051 މެޓްރިކް ޓަނުގެ މަސް

* މާޗް: 3،787 މެޓްރިކް ޓަނުގެ މަސް

* އެޕްރީލް: 4،746 މެޓްރިކް ޓަނުގެ މަސް

ރާއްޖެއިން މި އަހަރު އެންމެ ގިނައިން ބޭރުކުރީ ރާއްޖޭގައި އެންމެ މަހު މަސްވެރިކަން ކަމަށްވާ ކަޅުބިލަ މަހެވެ. އެގޮތުން އެ ބާވަތުގެ 12،240 މެޓްރިކް ޓަނުގެ މަސް ބޭރުކޮށްފައިވެ އެވެ. އެޕްރީލާ ހަމައަށް 3،740 މެޓްރިކް ޓަނުގެ ރީނދޫ އުރަހަ ކަންނެލި އެކްސްޕޯޓްކޮށްފައިވާ އިރު، މަސްދަޅާއި ޕޯޗްޑްގެ މަހުގެ ގޮތުގައި 2،557 މެޓްރިކް ޓަނުގެ މަސް ބޭރުކޮށްފައިވެ އެވެ.

މަސްވެރި ކަމަކީ ރާއްޖޭގައި ދެވަނަ އަށް އެންމެ ބޮޑު ސިނާއަތެވެ. އަދި މި ސިނާއަތް ސިފަކުރަނީ ޒަމާނުއްސުރެ ދިވެހިންގެ ލޭނާރުގެ ގޮތުގަ އެވެ.

ނަމަވެސް ރާއްޖޭގެ މަސްވެރިކަން ކުރިއަރުވަން ސަރުކާރުތަކުން އެކަށީގެންވާ މަސައްކަތްތަކެއް ނުކުރާ ކަމަށް ދާއިރާގައި އުޅޭ ވަރަށް ގިނަ ބަޔަކު ބުނެ އެވެ.