މޫކޭ އާއި ޔާސިރުގެ ޕާސްޕޯޓު ހިފަހައްޓައިފި
ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)ގެ ކުރީގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) އާއި ކުރީގެ ޗީފް ފައިނޭންޝަލް އޮފިސަރ (ސީއެފްއޯ) ޔާސިރު ހަސަންގެ ޕާސްޕޯޓު ހިފަހައްޓައިފި އެވެ.
ފުލުހުން ބުނީ، ތަހުގީގު ކުރަމުންދާ މައްސަލައަކާ ގުޅިގެން މޫކޭ އާއި ޔާސިރު ފުރުން މަނާކުރުމަށް ކޯޓުން އަމުރެއް ނެރެ އެކަން އެ ދެ މީހުންނަށް މިހާރު އަންގާފައިވާނޭކަމަށެވެ.
މިދިޔަ ބުރާސްފަތި ދުވަހުގެ ރޭގެ ދަންވަރުގެ ވަގުތެއްގައި މޫކޭ އާއި ޔާސިރު ދިރިއުޅޭ ތަންތަން ބަލާ ފާސްކޮށް ފުލުހުން ވަނީ އެމީހުން ބޭނުންކުރަމުންދާ އިލެކްޓްރޯނިކް ސާމާނުތަކެއް ގެންގޮސްފައިއެވެ.