ސްޓެލްކޯ އިން މައްސަލަ ހައްލުކޮށް މުޅި މާލެ އަށް ކަރަންޓު ދީފި
މާލެ ސިޓީން ކަރަންޓް ކެނޑުނު މައްސަލަ ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ހައްލުކުރުމަށްފަހު އަލުން ކަރަންޓް ދޭން ފަށައިފިއެވެ.
ސްޓެލްކޯއިން ބުނީ މާލޭގެ ކަރަންޓުގެ ޚިދުމަތް މެދުކެނޑިފައިވަނީ އިންޖީނުގެއަށް ދިމާވި ޓެކްނިކަލް މައްސަލައަކާ ގުޅިގެން މާލޭގެ އިންޖީނުގެ ނިވިގެން ކަމަށެވެ. މާލެއިން ކަރަންޓް ކެނޑިފައިވަނީ މިއަދު ހެނދުނު 11:50 އެހާއިރު އެވެ.
ސްޓެލްކޯއިން ވަނީ މި މައްސަލައާ ގުޅިގެން ރައްޔިތުންނަށް ދިމާވި ދަތިތަކަށް މަޢާފަށް އެދިފައެވެ.