ހިމަންދޫގައި ފަލަސްތީނަށް އެހީވުމަށް ހިންގި ހަރަކާތުގައި ސްޓެލްކޯ މުވައްޒަފުންގެ އެހީތެރިކަން ފޯރުކޮށްދީފި
އއ. ހިމަންދޫގައި ފަލަސްތީނަށް އެހީވުމަށް ހިންގި ހަރަކާތުގައި ސްޓެލްކޯ މުވައްޒަފުންގެ އެހީތެރިކަން ފޯރުކޮށްދީފިއެވެ.
މިއީ ހިމަންދޫ އިންޖީނުގޭގެ މުވައްޒަފުންގެ އިސްނެގުމާއެކު، ހިމަންދޫ ކައުންސިލް، ސަރުކާރުގެ މުއައްސަސާތައް އަދި ކްލަބް ޖަމްޢިއްޔާތަކާ ގުޅިގެން ހިންގި ހަރަކާތެކެވެ.
ފަލަސްޠީނުގެ ޣައްޒާގެ ރައްޔިތުންނަށް އެހީތެރިވުމަށްޓަކައި "ހެލްޕް ޣައްޒާ - ދިވެހިން ހަނދާނެއް ނުނެތޭ" ގެ ނަމުގައި ހިންގުނު ޚައިރާތީ ހަރަކާތުން ޖުމްލަ 260,800 ރުފިޔާ (ދެލައްކަ ފަސްދޮޅަސްހާސް އަށްސަތޭކަ ރުފިޔާ) އެއްކުރެވިފައިވާއިރު، މީގެ ތެރެއިން 126,560 ރުފިޔާ (އެއްލައްކަ ސައްބީސްހާސް ފަސްސަތޭކަ ފަސްދޮޅަސް ރުފިޔާ) އަކީ އިންޖީނުގޭގެ މުވައްޒަފުން ހަދިޔާކުރި ފައިސާއެވެ.
ސްޓެލްކޯ އިން ބުނީ މިފަދަ އިޖްތިމާޢީ ޚިދުމަތުގެ މަސައްކަތްތަކުގައި އެ ކުންފުނީގެ މުވައްޒަފުން ޢަމަލީގޮތުން ދައްކަމުންދާ ނަމޫނާއަށްޓަކައި ފަޚުރުވެރިވާ ކަމަށާއި އެ ފަރާތްތަކަށް އިޚްލާޞްތެރިކަމާއެކު ޝުކުރު ދަންނަވާ ކަމަށެވެ.