30 ނޮވެމްބަރު 2025

Advertisement

ފަހުވަގުތު ސިޓީ މޮޅުވެ ދެވަނަ އަށް!

30 ނޮވެމްބަރު 2025

ފަހު ވަގުތު 3-2 އިން ލީޑްސް ޔުނައިޓެޑް ބަލިކޮށް އިނގިރޭސި ޕްރިމިއާ ލީގުގެ ދެވަނަ އަށް މެންޗެސްޓާ ސިޓީ އަރައިފި އެވެ.

މި މޮޅާއެކު ސިޓީ ދެވަނައިގައި އޮތީ 13 މެޗުން 25 ޕޮއިންޓު ހޯދައިގެންނެވެ. ތިންވަނައިގައި ސިޓީ އަށްވުރެ އެއް މެޗު މަދުން ކުޅެ 23 ޕޮއިންޓާ އެކު ޗެލްސީ އޮތްއިރު އެއްވަނައިގައި 12 މެޗުން 29 ޕޮއިންޓާއެކު އޮތީ އާސެނަލް އެވެ. ލީގުގައި މިރޭ އާސެނަލުން ޗެލްސީއާ ދެކޮޅަށް ނިކުންނާނެ އެވެ.

އަމިއްލަ ދަނޑުގައި ކުޅުނު މެޗުގެ ފުރަތަމަ މިނެޓްގައި ސިޓީއަށް ލީޑު ނަގައިދިނީ ފިލް ފޮޑެން އެވެ. އަދި ފުރަތަމަ ހާފް ނިމުމުގެ ކުރިން ޖޮސްކޯ ގްވާޑިއޯލް ވަނީ ސިޓީގެ ދެވަނަ ގޯލު ކާމިޔާބުކޮށްދީފަ އެވެ. ދެވަނަ ހާފުގެ ކުރީކޮޅު ޑޮމިނިކް ކަލްވާޓް ލެވިން ލީޑްސްގެ ފުރަތަމަ ގޯލު ކާމިޔާބުކޮށްދިން އިރު، މެޗުގެ 68 ވަނަ މިނެޓްގައި ލޫކަސް މެޗާ ވަނީ އެޓީމަށް ނަތީޖާ އެއްވަރުކޮށްދީ ސިޓީ ސިއްސުވާލާފަ އެވެ.

Advertisement

މި ގޯލާއެކު ލީޑު ނަގަން ސިޓީން ވަރަށް ބޮޑަށް މަސައްކަތް ކުރަމުންދިޔައިރު، އެޓީމު މި މެޗުން މޮޅުވި ގޯލު މެޗުގެ އިތުރު ވަގުތުގެ ތެރޭގައި ކާމިޔާބުކޮށްދިނީ ފުރަތަމަ ގޯލުވެސް ކާމިޔާބުކޮށްދިން ފިލް ފޮޑެން އެވެ.

ޕްރިމިއާ ލީގުގައި ރޭ ކުޅުނު އެހެން މެޗުތަކަށް ބަލާއިރު، އަމިއްލަ ދަނޑުގައި ޓޮޓެންހަމް ވަނީ 2-1 އިން ފުލަމް އަތުން ބަލިވެފަ އެވެ. އަދި ސަންޑަލޭންޑުން ފަހަތުން އަރައި 3-2 އިން ބޯންމަތް ބަލިކުރިއިރު، ނިއުކާސަލް ޔުނައިޓެޑުން ވަނީ 4-1 އިން އެވަޓަންގެ މައްޗަށް ކުރި ހޯދާފަ އެވެ. ބްރެންޓްފޯޑުން ވަނީ 3-1 އިން ބާންލީ އަތުން މޮޅުވެފަ އެވެ.

Advertisement

ކޮމެންޓް