މާލޭގެ މަގެއްގެ މަތީގައި ޖިންސީ ގުނަވަން ދެއްކި މީހަކު ހައްޔަރުކޮށްފި އެވެ.

މި މައްސަލާގައި ހައްޔަރުކޮށްފައިވަނީ ނ. ވެލިދޫ، މިރިހިމާގެ ހާމިދު އަބްދުﷲ ،39، އެވެ. އޭނާގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހާފަ އެވެ.

ކްރިމިނަލް ކޯޓަށް ފުލުހުން ހުށަހެޅި ހާދިސާގެ ރިޕޯޓުގައިވާ ގޮތުން އޭނާ ޖިންސީ ގުނަވަން ދައްކާފައިވަނީ ހެންވޭރުގައި ހުންނަ ބަސް ޓާމިނަލް ސަރަހައްދުގައި ތިބި ކުޑަކުދިންނާއި އަންހެނުންނަށެވެ. އާންމު ފަރާތަކުން ދިން މައުލޫމާތަކާ ގުޅިގެން އޭނާ ހައްޔަރުކުރަން އުޅުމުން ފުލުހުންނާއި މާރާމާރީ އޭނާ ހިންގި ކަމަށްވެސް އެ ރިޕޯޓުގައިވެ އެވެ.

Advertisement

އެގޮތުން އޭނާ ފުލުހުންގެ ބެލުމުގެ ދަށަށް ގެންގޮސްފައިވަނީ ޕެޕާ ސްޕްރޭ ޖަހައިގެން ކަަމަށާއި އޭނާ އަކީ ކުށުގެ ރެކޯޑު ގިނަ ފަރާތެއް ކަމަށްވެސް ބުނެފައިވެ އެވެ.