މޯލްޑިވްސް އިސްލާމިކް ބޭންކް (އެމްއައިބީ) ގެ ޝަރީއާ ކޮމިޓީ އަށް ޑރ. އިސްލާމީކް ފައިނޭންސް ދާއިރާގެ ތަޖުރިބާކާރެއް ކަމަސްވާ ޑޜ. އައިޝަތު މުނީޒާ އައްޔަންކޮށްފި އެވެ.

އޭނަ އަކީ އިސްލާމިކް ފައިނޭންސިންގެ ދާއިރާ އިން މެލޭޝިއާގެ އައިއެންސީއޭއައިއެފް ޔުނިވާސިޓީގެ ޕްރޮފެސަރުކަމާއި އެސޯސިއޭޓް ޑީންގެ މަގާމު ވެސް އަދާކުރައްވާފައިވާ ބޭފުޅެކެވެ. ކުރިން ރާއްޖޭގެ އިސްލާމިކް މިނިސްޓްރީގެ ޑެޕިއުޓީ މިނިސްޓަރުކަމާއި ފިނޭންސް މިނިސްޓްރީގެ ޑެޕިއުޓީ މިނިސްޓަރުކަން ވެސް ކުރެއްވި މުނީޒާ އަކީ އިސްލާމިކް ފައިނޭންސިންގެ ދާއިރާ ރާއްޖޭގައި ކުރިއެރުވުމުގައި މިހާތަނަށް ދައުރެއް އަދާކުރައްވާފައިވާ ބޭފުޅެކެވެ.

ސީއެމްޑީއޭގެ ހެޑް އޮފް އިސްލާމިކް ފައިނޭންސްގެ މަގާމާއި ފިގުހު އެކަޑަމީގެ މެމްބަރުކަމާއި ހައްޖު ކޯޕަރޭޝަނުގެ ޗެއާމަންކަން ވެސް ކުރެއްވި މުނިޒާ އަކީ ސަރުކާރާއި އަމިއްލަ ކުންފުނިތަކުގެ ސުކޫކުގެ ވިއްކުމަށް ބޭނުންވާ ސްޓްރަކްޗާ އެކުލަވައިލުމުގައި ޝަރީއާ އެޑްވައިޒަރެއްގެ ރޯލު ވެސް އަދާކުރައްވާފައިވާ ވަރަށް އިލްމީ ކަނބަލެކެވެ.

Advertisement