އަންނަ މަހު ބާއްވާ ސްރީ ލަންކާގެ ރިޔާސީ އިބްތިހާބުގައި ވާދަކުރަން 39 ކެންޑިޑޭޑަޓަކު ހުށަހަޅާފައިވާ ކަމަށް އެ ގައުމުގެ އިލެކްޝަން ކޮމިޝަނުން ބުނެފި އެވެ.

ރައީސް ކަމަށް ވާދަކުރަން މިދިޔަ މަހުގެ ފަހުކޮޅު ހުޅުވާލައި، ކެންޑިޑެސީ ފޯމް ހުށަހަޅަން ދިން މުއްދަދު ހަމަވީ މިއަދަށެވެ. ލަންކާގެ އީސީން ބުނީ ހުށަހެހެޅި 39 ކެންޑިޑޭޓުންގެ ކެންޑިޑެސީ ވެސް ބަލައިގެން ގަނެ، އެކަން ހުރިހާ ކެންޑިޑޭޓުންނަށް ވެސް އަންގާފައިވާ ކަމަށެވެ.

މި އަހަރުގެ ރިޔާސީ އިންތިހާބަކީ ލަންކާގެ ތާރީހުގައި މިހާ ގިނަ އަދަދެއްގެ ކެންޑިޑޭޓުން ވާދަކުރާ ފުރަތަމަ އިންތިހާބެވެ. އެ ގައުމުގައި އެންމެ ފަހުން 2019 ގައި ބޭއްވި ރިޔާސީ އިންތިހާބުގައި ވާދަކުރެއްވީ 35 ކެންޑިޑޭޓެކެވެ.

Advertisement

މި ފަހަރުގެ އިންތިހާބުގައި ވާދަކުރައްވާ މަޝްހޫރު ބޭފުޅުންގެ ތެރޭގައި މިހާރުގެ ބޮޑުވަޒީރު ރަނިލް ވިކްރަމަސިންހަ އާއި ލަންކާގެ އެންމެ ނުފޫޒު ގަދަ ސިޔާސީ އާއިލާ، ރާޖަޕަކްސާ އާއިލާ އަށް ނިސްބަތްވާ ނަމާލް ރާޖަޕަކްސާ ހިމެނެ އެވެ. ކުރިން މިނިސްޓަރުކަމާއި ގާނޫނު ހަދާ މަޖިލީހުގެ މެންބަރުކަން ވެސް ކުރެއްވި ނަމާލަކީ ކުރީގެ ބޮޑުވަޒީރު މަހިންދަ ރާޖަަޕަކްސާގެ ދަރިކަލެކެވެ.

ލަންކާގެ ރިޔާސީ އިންތިހާބު އޮންނާނީ އަންނަ މަހުގެ 21 ގަ އެވެ. މި އިންތިހާބުގައި 1.7 މިލިއަން މީހުންނަށް ވޯޓްލުމުގެ ހައްގު ލިބިގެންވެ އެވެ.