ހުޅުމާލޭގެ ސްޕާއެއްގައި މަސައްކަތްކުރާ ބިދޭސީ އަންހެނެއްގެ ގައިގައި ކަޓަރު އަޅައި ފޭރުނު މައްސަލާގައި މީހަކު ހައްޔަރުކޮށްފި އެވެ.

ފުލުހުން ބުނީ މި މައްސަލާގައި ހައްޔަރުކޮށްފައި ވަނީ އަލީ ޝައްމާހު ވަހީދު ،29، ކަމަށެވެ. އޭނާ ހައްޔަރުކުރީ ކޯޓު އަމުރެއްގެ ދަށުން ކަމަށްވެސް ފުލުހުން ބުންޏެވެ.

މި ހާދިސާ ހިނގީ ރޭ ފަތިހުގެ ވަގުތެއްގައި ކަމަށްވާއިރު، އަންހެން މީހާގެ ގައިގައި ކަޓަރު އަޅައި ބިރު ދައްކައިގެން ފައިސާތަކެއް ވަނީ ފޭރިގެންފަ އެވެ.

Advertisement

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.