އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާންގެ ނަމުގައި ވަގު ވައިބާ އެކައުންޓެއް ހިންގާތީ ސަމާލުވުމަށް އިލްތިމާސްކޮށްފި އެވެ.

ޝިފާންގެ ނަންމަތީގައި ހިންގަމުންދާ ވައިބާ އެކައުންޓުގެ ނަންބަރަކީ 7854084 އެވެ. އެ ނަންބަރު ގައި ނަމަކަށް ޖަހާފައި ވަނީ ވެސް އެސިސްޓެންޓް ކޮމިޝަނާ އޮފް ޕޮލިސް އަހްމަދު ޝިފާން އެވެ.

ޝިފާން ވަނީ އެއީ އޭނާ ބޭނުން ކުރައްވާ ނަންބަރެއް ނޫން ކަމަށާއި އެއްވެސް މުއާމަލާތެއް ކުރުމުގެ ކުރިން ނަމްބަރު ޔަގީން ކުރުމަށް އިލްތިމާސްކުރައްވާފަ އެވެ.