ޕްރޮސިކިއުޓާ ޖެނެރަލް ހުސައިން ޝަމީމަށް ހަމަލާދިން މައްސަލައިގައި ދައުވާކުރަންއެދި ފޮނުވި 7 މީހުންގެ ވަނަވަރު އާންމު ކޮށްފިއެވެ.

ފުލުހުން މިއަދު ވަނީ ޕީޖީ ޝަމީމަށް ހަމަލާދިން މައްސަލައިގައި 7 މީހެއްގެ މައްޗަށް ދައުވާކޮށްދިނުމަށްއެދި ޕީޖީއަށް ފޮނުވިކަން ހާމަކޮށްފައެވެ.

އެ 7 މީހުންގެ ވަނަވަރު ފުލުހުން މިއަދު އާންމުކުރިއިރު، އެމީހުންނަކީ:

1- ޝަމާލް ހުސައިން ؛ މުސްތަރީގެ، ތ. ގާދިއްފުށި

2- ޒަޔާން ނަސީރު ؛ ކެމީހިޔާ، އދ. މާމިގިލި

3- އަބާން އަބްދުލްހަންނާން ؛ ރުވާ، ތ. ދިޔަމިގިލި

4- ރަޖުވާން ލަތީފް ؛ މުރިނގި، ލ. މާމެންދޫ

5- މިދުހަތު އާދަމް ؛ ރިވެލި، ރ. އަލިފުށި

6- މުހައްމަދު ޖަޒްލާން ؛ ތުނޑި، ޖަވާހިރުވިލާ، ލ. ގަން

7- އަހްމަދު މައިސާން ހާޝިމް ؛ ދަފްތަރު ނަންބަރު 2247، ކ. މާލެ

މި މީހުންގެ މައްޗަށް ދައުވާ ކޮށްދިނުމަށްއެދި އޮގަސްޓް 18 ވަނަ ދުވަހު ޕީޖީ އޮފީހަށް ފޮނުވާފައިވާ ކަމަށް ފުލުހުން މައުލޫމާތު ދީފައިވެއެވެ.

ޕީޖީ ޝަމީމަށް މަރުތޭލައަކުން ހަމަލާދިނުމުން އަތަށް ޒަހަމުތަކެއް ލިބި ހޮސްޕިޓަލުގައި ފަރުވާ ދީފައިވެއެވެ. ޝަމީމަށް ހަމަލާދީފައިވަނީ ޖެނުއަރީ 31 ވަނަ ދުވަހުއެވެ.