ގާޒާގައި މިއަދު ޕޯލިއޯ ވެކްސިން ދިނުމުގެ ޕްރޮގްރާމް ފަށާނެ ކަމަށް ޑަބްލިއުއެޗްއޯ އިން ބުނެފި އެވެ.

އެ ޖަމާއަތުން ބުނީ ކުޑަކުދިންނަށް އެ ވެކްސިން ދޭން ފަަށާނީ އިޒްރޭލުން ފަލަސްތީނާ ދެކޮޅަށް ކުރަމުންދާ ހަނގުރާމައި ހަމަލާތައް މި ވަގުތު ކުރިއަށް ނުދާ ސަރަހައްދުތަކަށް އިސްކަން ދީގެން ކަމަށެވެ. އެގޮތުން އަމާޒަކީ ވީހާ ވެސް ގިނަ ކުޑަކުދިންނަށް ޕޯލިއޯ ވެކްސިން ދިނުމެވެ.

ޑަބްލިއުއެޗްއޯ އިން އަމާޒު ހިފާފައި ވަނީ ވެކްސިން ދޭން ފަށާ ޕްރޮގްރާމްގެ ފުރަތަމަ މަރުހަލާގެ ތެރޭގައި މަދުވެގެން 640،000 ކުދިންނަށް ވެކްސިން ދިނުމަށެވެ.

Advertisement

ގާޒާގައި ޕޯލިއޯ ވެކްސިން ދިނުމުގެ ޕްރޮގްރާމެއް ފަށަން ނިންމީ މިދިޔަ ޖޫން މަހުގެ ތެރޭގައި ގާޒާގެ ހަ ސަހައްދަކުން ނެގި ސާމްޕަލްތަކުން ޕޯލިއޯވައިރަސް ޓައިޕް ޓޫ (ވީޑީޕީވީ2) ފެނުމާ ގުޅިގެންނެވެ. އޭގެ ފަހުން މިދިޔަ މަހުގެ މެދުތެރޭގައި ޕޯލިއާ ޖެހިފައިވާ 10 މަހުގެ ކުއްޖަކު ގާޒާ އިން ފެނިފައިވެ އެވެ.

މިއީ އެ ބަލީގެ ކޭހެއް 25 އަހަރުން ފަހުން ގާޒާ އިން ފެނުނު ފުރަތަމަ ފަހަރެވެ.

މިދިޔަ އަހަރުގެ އޮކްޓޯބަރު މަހުގެ 7 އިން ފެށިން އިޒްރޭލުން ފަލަސްތީނާ ދެކޮޅަށް ހިންގަމުންދާ ގަތުލްއާންމުގައި ގާޒާގެ ގިނަ ތަންތަން ސުންނާފަތިފައިވާ އިރު، ފެނާއި ނަރުދަމާ ނަރުދަމާ ނިޒާމު ވެސް ހަލާކުވެ، ރައްޔިތުން ތިބީ އިންސާނީ ބޮޑު ކާރިސާއެއްގެ ތެރޭގަ އެވެ.

އަނެއްކޮޅުން ފަލަސްތީނުގެ ހުރިހާ ހޮސްޕިޓަލްތަކެއްހެން ވަނީ ބިމާހަމަކޮށްފަ އެވެ.