ސްޓެލްކޯ އިން ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ފޮޅާ ސާފު ކުރުމުގެ ހިދުމަތް ހޯދުމަށް އެއްބަސްވުމުގައި ސޮއިކޮށްފި އެވެ.

ވެމްކޯގެ ފޮޅާ ސާފު ކުރުމުގެ ހިދުމަތް ކަމަށްވާ ހޮބާއަށް އެމްޕީއެލްއިން ރަޖިސްޓާކޮށް އެއްބަސްވުމުގައި ސޮއިކޮށްފައިވަނީ އިއްޔެ އެވެ.

ސްޓެލްކޯ އިން ބުނީ މި އެއްބަސްވުމުގެ ދަށުން މާލެ، ހުޅުމާލެ އަދި ވިލިމާލޭގައި ހުރި ސްޓެލްކޯގެ ޢިމާރާތްތަކާއި، ސްޓެލްކޯ ހިޔާގެ ދެ ޓަވަރު ފޮޅައި ސާފުކުރުމުގެ މަސައްކަތް ވެމްކޯ އިން ކުރާނެ ކަމަށެވެ.

Advertisement

ވެމްކޯގެ މި ހިދުމަތަކީ އެ ކުންފުނިން އަލަށް ފަށައިގަތް ހިދުމަތެއް ކަމަށްވާއިރު މި ހިދުމަތް އަދި ދެނީ ސަރުކާރުގެ އޮފިސްތަކަށް ހާއްސަކޮށްގެންނެވެ. އަދި އެ ހިދުމަތަށް އެދޭ ފަރާާތްތައް އިތުރުވަމުންދާ ނަމަ، ކުންފުނިން އިތުރަށް އެ ހިދުމަތް ފުޅާ ކުރާނެ ކަމަށް ވެސް ވެމްކޯ އިން ބުނެ އެވެ.

ވެމްކޯއިން ފޮޅާ ސާފު ކުރުމުގެ ހިދުމަތް ދޭން ފަށާފައިވަނީ އެކަމަށް ބޭނުންވާ މުވައްޒަފުން ތަމްރީން ކުރުމަށް ފަހު އެވެ.