ހުޅުމާލެ ފޭސް 2ގެ ހައިވޯލްޓޭޖް ސަބްސްޓޭޝަން، ގްރޭޓާމާލެ އިންޓަކަނެކްޝަން ގްރިޑާއި ގުޅާލައިފިއެވެ.

މިމަސައްކަތް ކޮށްފައިވަނީ މިއަދު ހެނދުނުއެވެ. ސްޓެލްކޯއިން ވަނީ މިމަސައްކަތް ފެށުމުގެ ކުރިން މަސައްކަތް ކުރިއަށްދާ ވަގުތު ކަރަންޓު ޚިދުމަތް މާލެގެ ބައެއް ސަރަހައްދުތަކުން އެއް ގަޑިއިރަށް މެދުކެނޑިދާނެ ކަން އަންގާފައެވެ. އެގޮތުން ހެނދުނު 06:00 އާއި 08:00 އާއި ދެމެދު 1 ގަޑިއިރަށް މާލޭގެ ބައެއް ސަރަހައްދުތަކުން ކަރަންޓުގެ ޚިދުމަތް މެދުކެނޑޭނެ ކަމަށް ވަނީ ވިދާޅުވެފައެވެ.

ސްޓެލްކޯގެ ނެޓްވޯކް އަޕްގްރޭޑް ކުރުމުގެ މަސައްކަތް ކުރަމުންދާއިރު، މާލެ ސަރަހައްދުގައި އިތުރުވަމުން އަންނަ ޑީމާންޑާއި އެއްވަރަށް ކަރަންޓު ޚިދުމަތް ފޯރުކޮށްދިނުމަށް އެކުންފުނިން ދަނީ މަސައްކަތް ކުރަމުންނެވެ. އެގޮތުން ނެޓްވޯކް އަޕްގްރޭޑް ކުރުމުގެ މަސައްކަތް ފަށާފައިވާއިރު، ކޮންމެ އަހަރެއްގެ ރޯދަ މަހާއި ދިމާކޮށް ދޫރާލާ އެކުންފުނިން ކަރަންޓު ޚިދުމަތް ދިނުމަށް ތައްޔާރުވެއެވެ. އެގޮތުން ކެޕޭސިޓީ އިތުރުކުރުމުގެ މަސައްކަތްތަކާއި ނެޓްވޯކްގެ މަސައްކަތްތައް އަބަދުވެސް އެކުންނިން ދަނީ ކުރަމުންނެވެ.

Advertisement

އެކުންފުނިން މިމަސައްކަތްތައް ކުރަމުންދާއިރު، ރައްޔިތުންނަށް ވީހާވެސް ބޮޑަށް ދަތިނުވާނެ ގޮތަށް މަސައްކަތްތައް ރާވާ އިންތިޒާމު ކުރަމުންދާނެ ކަމަށް އެކުންފުނިން ވިދާޅުވެއެވެ.