05 އޭޕްރީލު 2025

Advertisement

ތުލުސްދޫގެ މެކޭނިކަލް ޓްރެއިނިންގ ސެންޓަރުން ސްޓެލްކޯ މުވައްޒަފުންގެ ހުނަރު

26 ޖެނުއަރީ 2025

ކ. ތުލުސްދޫގައި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން އިމާރާތްކުރަމުންދާ މެކޭނިކަލް ޓްރެއިނިންގ ސެންޓަރަކީ އެ ކުންފުނީގެ މުވައްޒަފުންގެ ހުނަރު ފެނިގެންދާ އިމާރާތެއްކަމަށް ސްޓެލްކޯގެ މެނޭޖިންގ ޑިރެކްޓަރު ހުސެއިން ފަހުމީ ވިދާޅުވެއްޖެއެވެ.

މިދިޔަ އަހަރުގެ ޖޫން މަހު އަޅަން ފެށި މި އިމާރާތަކީ ސްޓެލްކޯގެ މުވައްޒަފުން އަމިއްލައަށް ފަރުމާކޮށް އިމާރާތްކުރަމުންދާ މަޝްރޫޢެއްކަން ފަހުމީ އެކްސްގައި ކުރެއްވި ޕޯސްޓެއްގައި ހާމަކުރެއްވިއެވެ.

މި މަޝްރޫޢު ހަގީގަތަކަށް ހެދުމަށް ކުންފުނީގެ މުވައްޒަފުން ދައްކަމުންދާ ހިތްވަރަށް ތައުރީފު ކުރައްވާ ކަމަށްވެސް އޭނާ ވިދާޅުވިއެވެ.

Advertisement

ފަހުމީ ފާހަގަކުރެއްވިގޮތުގައި މި މަޝްރޫޢުގެ ކޮންސެޕްޓް އެކުލަވާލުމުން ފެށިގެން އިމާރާތް ކުރުމުގެ މަސައްކަތް ނިމެންދެން ހުރިހާ މަރުހަލާއެއްގައިވެސް ސްޓެލްކޯގެ މުވައްޒަފުން ދަނީ ސީދާ ބައިވެރިވަމުންނެވެ. އަދި މި މަޝްރޫޢުގެ އިމާރާތުގެ ޑިޒައިން ފުރިހަމައަށް ކޮށްފައިވަނީވެސް ސްޓެލްކޯގެ މުވައްޒަފުންކަން އޭނާ ފާހަގަކުރެއްވިއެވެ.

މި ސެންޓަރުގެ މައިގަނޑު މަޤްޞަދަކީ މެކޭނިކަލް އިންޖިނިއަރިންގ ދާއިރާއިން ޒުވާނުން ތަމްރީނު ކުރުމާއެކު، މިހާރު ސްޓެލްކޯގައި މަސައްކަތްކުރާ މުވައްޒަފުންނަށް ތަމްރީނު ދިނުމެވެ. މިއީ ސްޓެލްކޯގެ މުވައްޒަފުންގެ ތަމްރީނާއި ތަރައްޤީއަށް އެ ކުންފުނިން ދޭ އަހައްމިއްޔަތުކަން ހާމަވެގެންދާ މަޝްރޫޢެއްކަން ފާހަގަކުރެވެއެވެ.

މި މަޝްރޫޢަކީ ސްޓެލްކޯގެ މުވައްޒަފުންގެ ހުނަރާއި ޤާބިލުކަން ދައްކުވައިދޭ މިސާލެއްގެ ގޮތުގައި ބެލެވޭއިރު، ކުންފުނީގެ މުވައްޒަފުންގެ ތަރައްޤީއަށް ކުރެވޭ މުހިންމު އިންވެސްޓްމަންޓެއްގެ ގޮތުގައިވެސް މި މަޝްރޫޢު ފާހަގަކުރެވެއެވެ.

Advertisement

ކޮމެންޓް