05 އޭޕްރީލު 2025

Advertisement

އިތުރު ވައިޑް ބޮޑީ ބޯޓެއް ހޯދަނީ

06 ފެބްރުއަރީ 2025

މޯލްޑިވިއަނުން ރާއްޖެ އިން ބޭރަށް ދަތުރުތައް ފުޅާކުރުމަށްޓަކައި އިތުރު ވައިޑް ބޮޑީ މަތިންދާބޯޓެއް ހޯދަން އިއުލާންކޮށްފި އެވެ.

މޯލްޑިވިއަން އޮޕަރޭޓްކުރާ އައިލޭންޑް އޭވިއޭޝަން ސާވިސެސް (އައިއޭއެސް) އިން ބުނީ ބޭނުން ވަނީ އެއާބަސް އޭ-330-220 މަރުކާގެ މަތިންދާބޯޓެއް ލީސް އުސޫލުން ހޯދަން ކަމަށެވެ. އެ ބޯޓު ކުއްޔަށް ނަގަން ބޭނުންވަނީ ފަސް އަހަރުގެ މުއްދަތަށް ކަމަށް ބުނެފައިވެ އެވެ.

އެހެންވެ އެފަދަ ބޯޓެއް ކުއްޔަށް ދޫކުރަން ބޭނުންވާ ފަރާތްތަކަށް ބީލަން ހުށަހެޅުމުގެ ފުރުސަތު އަންނަ މަހުގެ 7 ވަނަ ދުވަހުގެ ނިޔަލަށް ވަނީ ހުޅުވާލައިފަ އެވެ.

Advertisement

މޯލްޑިވިއަނުން ވަނީ މިދިޔަ މަހު ވެސް ވައިޑް ބޮޑީ މަތިންދާބޯޓެއް ގެނެސް އޮޕަރޭޓްކުރަން ފަށައި، ޗައިނާގެ ތިން ސިޓީއަކަށް ކޮންމެ ހަފުތާތަކު ވެސް ތިން ދަތުރު ބާއްވަމުންނެވެ. އެ ދަތުރު ބާއްވާނީ ރާއްޖޭގެ މައި އެއާޕޯޓް ކަމަށްވާ ވެލާނާ އިންޓަނޭޝަނަލް އެއާޕޯޓް (ވީއައިއޭ) އާއި ޗައިނާގެ ބެއިޖިން، ޗެންގްޑޫ އަދި ޝަންހާއީއާ ދެމެދު އެވެ.

ސަރުކާރުން ވަނީ މިއަހަރު އޮކްޓޯބަރުގައި އިތުރު ވައިޑް ބޮޑީ މަތިންދާބޯޓެއް ގެނެސް އޮޕަރޭޓް ކުރަން ނިންމާފައިވާކަން އިއުލާންކޮށްފަ އެވެ.

Advertisement

ކޮމެންޓް