މޯލްޑިވްސް ޕޫލް ބިލިއާޑް އެސޯސިއޭޝަން އިން ބޭއްވި 12 ވަނަ އިންޓަރ އޮފީސް ބިލިއާޑް ޗެމްޕިއަންޝިޕް 2025 ގެ ޓީމު އިވެންޓުގެ ފިރިހެން ޑިވިޝަނުގެ ޗެމްޕިއަންކަން ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ހޯދައިފިއެވެ.

ފިރިހެން ޓީމު އިވެންޓުގެ ޗެމްޕިއަންކަން ސްޓެލްކޯ ހޯދީ ފައިނަލުގައި މޯލްޑިވްސް އިސްލާމިކް ބޭންކް (އެމްއައިބީ) ބަލިކޮށްގެންނެވެ.

މުބާރާތުގެ އަންހެން ޑިވިޝަނުގެ ޗެމްޕިއަންކަން ބޭންކް އޮފް މޯލްޑިވްސް (ބީއެމްއެލް) އެވެ.

Advertisement

މީގެއިތުރުން  މުބާރާތުގެ އަންހެން ސިންގަލްސް ޗެމްޕިއަންކަން ހޯދާފައިވަނީ ފަގީހާ އިބްރާހީމެވެ. އަންހެން ސިންގަލްސް ޗެމްޕިއަންކަން ފަގީހާ އިބްރާޙީމް ހޯދީ ފައިނަލުގައި ކަސްޓަމްސް ރެކްރިއޭޝަން ކުލަބުގެ އައިޝަތު ޔަޝްފާ އާއި ވާދަކޮށް 5-1 ފްރޭމުން މެޗު ކާމިޔާބުކޮށްގެންނެވެ.

މުބާރާތުގެ ފުރަތަމަ ޑިިވިޝަނުގެ ފިރިހެން ސިންގަލްސް ޗެމްޕިއަންކަން ޝާޒް ހޯދީ ފައިނަލުގައި ކަސްޓަމްސް ރެކްރިއޭޝަން ކުލަބުގެ ޔޫސުފް ޒުބައިރު އާއި ވާދަކޮށް 9-5 ފްރޭމުން މެޗު ކާމިޔާބުކޮށްގެންނެވެ.

އެސޯސިއޭޝަނުން މިހާރު ތައްޔާރުވަނީ ރޯދަމަހު ފެށުމަށް ހަމަޖެހިފައިވާ 8 ބޯލް އެސޯސިއޭޝަން ކަޕަށެވެ.