04 އޭޕްރީލު 2025

Advertisement

ރަމަޟާން މަހު ކަރަންޓު ބިލުން މަދުވެގެން %10 ޑިސްކައުންޓު ދެނީ

26 ފެބްރުއަރީ 2025

މިއަހަރުގެ ރަމަޟާން މަހުގެ ކަރަންޓު ބިލުން ކޮންމެ ގޭބީސީއަކަށް މަދުވެގެން %10އާ ހަމައަށް ޑިސްކައުންޓު ލިބޭނެ ކަމަށް ސްޓެލްކޯއިން ވިދާޅުވެއްޖެއެވެ.

މީޑިއާއަށް މައުލޫމާތުދެއްވަމުން ސްޓެލްކޯއިން ވިދާޅުވީ، މިދިޔަ ރަމަޟާންމަހުވެސް ދިމާވި އެންމެ ބޮޑު އެއް ދައްޗަކީ ރަމަޟާންމަހުގެ ޑިސްކައުންޓް 2 މަހެއްގެ ބިލްގައި ހިމަނަން ޖެހުމުންކަމަށެވެ. އެހެންކަމުން މިކަން ހައްލުކުރުމަށްޓަކައި މިއަހަރު ރަމަޟާންމަހަށް ތައްޔާރުކުރާނީ 1 ބިލްކަމަށް ސްޓެލްކޯއިން ވިދާޅުވިއެވެ.

ރަމަޟާންމަހުގެ ބިލް ތައްޔާރުކުރުމަށްޓަކައި މާދަމާ ސްޓެލްކޯގެ ޓީމްތައް ހަރަކާތްތެރިވާނެކަމަށް އެ ކުންފުނިން ވިދާޅުވިއެވެ. މާދަމާ ރީޑިންގ ނެގުމަށްފަހު ދެން ރީޑިންގ ނަގާނީ ރަމަޟާންމަސް ނިމުމުން މާރޗް މަހުގެ 30 ވަނަ ދުވަހުއެވެ.

Advertisement

ސްޓެލްކޯއިން ވިދާޅުވީ، 1 ދުވަހުން ރާއްޖޭގެ ހުރިހައި ސަރަހައްދެއްގައި ރީޑިންގ ނަގައި ނިންމާލާނެކަމަށެވެ. މާދަމާ މާލެ ސަރަހައްދުގައި ކަރަންޓް މީޓަރުގެ ރީޑިންގ ނެގުމަށްޓަކައި ސްޓެލްކޯގެ 350 މުވައްޒަފުން ހަރަކާތްތެރިވާނެކަމަށް އެ ކުންފުނިން ވިދާޅުވިއެވެ.

މިދިޔަ ރަމަޟާން މަހު ސަރުކާރުން ވަނީ ފެން ބިލާއި ކަރަންޓް ބިލުތަކަށް 142 މިލިއަން ރުފިޔާގެ ޑިސްކައުންޓެއް ދެއްވާފައެވެ.

Advertisement

ކޮމެންޓް