ހުޅުމާލޭގެ ފުރަތަމަ ފިޔަވަހީގެ ރެޑްވޭވް މެގަމޯލް ހިމެނޭ ސަރަހައްދުގެ ޑިސްޓްރިބިއުޝަން ކޭބަލަކަށް ގެއްލުންވުމާއި ގުޅިގެން އެ ސަރަހައްދުން ކަރަންޓު ކެނޑިއްޖެއެވެ.

ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނީ ހުޅުމާލޭގެ ފުރަތަމަ ފިޔަވަހީގެ ރެޑްވޭވް މެގަމޯލް ހިމެނޭ ސަރަހައްދުގެ ޑިސްޓްރިބިއުޝަން ކޭބަލަކަށް ގެއްލުންވުމާއި ގުޅިގެން އެ ސަރަހައްދުން ކަރަންޓުގެ ޚިދުމަތް މެދުކެނޑިފައިވާ ކަމަށާއި މި މައްސަލަ ހައްލުކޮށް ވީއެންމެ އަވަހަކަށް އެ ސަރަހައްދަށް އަލުން ކަރަންޓު ދިނުމުގެ މަސައްކަތް އެކުންފުނިން ކުރަމުންދާ ކަމަށެވެ.

މީގެ އިތުރުން ސްޓެލްކޯއިން ބުނީ ކަރަންޓުގެ ހިދުމަތް މެދުކެނޑިފައިވާ ސަރަހައްދަށް އަލުން ކަރަންޓު ދިނުމަށްޓަކައި ވަގުތީ ކޭބަލެއް އަޅައި، އެސަރަަހައްދަށް މިހާރު ވަނީ އަލުން ކަރަންޓު ދެވިފައިކަމަށެވެ. 

Advertisement

މިކަމުގެ ސަބަބުން ދިމާވާނެ ދަތިތަކަށް ސްޓެލްކޯއިން ވަނީ މަޢާފަށް އެދިފައެވެ.