Advertisement
ސްޓެލްކޯއިން ރައްޔިތުންނަށް އޮޅުވައެއް ނުލާނެ: ފަހުމީ
ސްޓެލްކޯއިން ރައްޔިތުންނަށް އޮޅުވައެއް ނުލާނެ ކަމަށާއި، އޮޅުވާލުމުގެ ނިޔަތުގައި އެއްވެސް ކަމެއް ނުކުރާނެ ކަމަށް ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
ފަހުމީ ވިދާޅުވީ ސްޓެލްކޯއަކީ 75 އަހަރުގެ ގައުމީ ހިދުމަތުގެ ރެކޯޑް އޮތް ކުންފުންޏެއް ކަމަށާއި ސްޓެލްކޯއިން އެއްވެސް ކަމެއް ރައްޔިތުންނަށް އޮޅުވާލުމުގެ ނިޔަތުގައި ނުކުރާނެ ކަމުގެ ފުރިހަމަ ޔަގީންކަން އަރުވާ ކަމަށެވެ.
ފަހުމީ "އެކްސް" ގައި ކުރެއްވި ޕޯސްޓެއްގައި ވިދާޅުވީ
Advertisement
އަޅުގަނޑު އަބަދުވެސް މި ދަންނަވާ ވާހަކައަކީ ސްޓެލްކޯއަކީ ކަސްޓަމަރުންނާއި ގާތުން މަސައްކަތް ކުރާ ގައުމަށް އިހުލާސްތެރި އަދި މަސައްކަތުގެ އަހުލާގާއި ސުލޫކު ހިފަހައްޓައިގެން މަސައްކަތް ކުރާ މުވައްޒަފުންތަކެއް ތިބި ކުންފުންޏެކޭ. މި ކުންފުންޏަކުން ރައްޔިތުންނަށް އޮޅުވައެއް ނުލާނެ. އޮޅުވާލާނެ އެއްޗެއްވެސް ނޯންނާނެ. ސްޓެލްކޯއިން މަސައްކަތް ކުރާނީ އަބަދުވެސް އިހުލާސްތެރިކަމާއެކު. އަދި ސްޓެލްކޯއަކީ އަބަދުވެސް ކަސްޓަަމަރުންނަށް އެންމެ ލުއި ފަސޭހަގޮތް ހޯދައިދޭން މަސައްކަތްކުރާ ކުންފުންޏެއް. ބިލްދެއްކުމަށް ދަތިވާ ފަރާތްތަކަށްވެސް ލުއި ގޮތްތައް އަބަދުވެސް އޮންނާނެ. އެގޮތުން ސްޓެލްކޯ ވެބްސައިޓް https://stelco.com.mv/rpex މެދުވެރިކޮށް ޕޭމަންޓް އެކްސްޓެންޝަނަށް އެދުމުގެ ފުރުސަތު ހުރިހާ ފަރާތްތަކަށް ވާނީ ހުޅުވާލެވިފައި. މިކަމުގައި އަޅުގަނޑަށް ނުވަތަ ސްޓެލްކޯގެ އެއްވެސް ވެރިއަކަށް ގުޅާކަށް ނުޖެހޭނެ.
ކަރަންޓު ބިލުން މަކަރު ހަދައި ބިލު ބޮޑުކޮށް ފޮނުވާ ކަމަށް ބުނެ ގިނަ ބަޔަކު ޝަކުވާކުރުން އާންމުވެފައިވާއިރު، ސްޓެލްކޯ އިން ކައިރިކައިރީގައި ކަރަންޓު ބިލު ފޮނުވާތީ ރައްޔިތުން ކުރާ ސުވާލުތަކަށް ޖަވާބު ދެއްވަމުން ފަހުމީ ވިދާޅުވީ، ދެ ބިލެއް ފޮނުވަނީ ސްޓެލްކޯގެ ހިދުމަތަށް ބިލު ކުރުމުގައި އޮތް ބެކްލޮގު ފިލުވައި ރޯދަ މަހުގެ ކަރަންޓު ބިލުން ޑިސްކައުންޓު ދޭން ފަސޭހައަކަށް ކަމަށެވެ.
Advertisement
Advertisement
