ފުލުހުން ބުނީ ރޭ އިރާކޮޅު ހުޅުމާލޭގެ ހުވަނދުމާ ހިނގުމުން ސައިކަލެއްގައި ދަނިކޮށް ހުއްޓުވައި ކޯޓް އަމުރެއްގެ ދަށުން ހައްޔަރުކުރީ ހމ. ފްލެޓް ނަންބަރު 04-ޖީ-10، މާލެ، ޢަލީ ޢަބްދުﷲ، 48، އާއި ދ. ކުޑަހުވަދޫ، އުނިމާގޭ، އަމާނަތު ޖަލީލް، 28، ކަމަށެވެ

އެ މީހުން ހައްޔަރުކޮށް ދިރިއުޅޭ އެޕާޓްމަންޓު ބަލައި ފާސްކުރި އިރު ފެނުނު ތަކެތީގެ ތެރޭގައި މަސްތުވާތަކެތި ކަމަށް ޝައްކުކުރެވޭ އެއްޗެއް ހުރި އަށް ޕެކެޓާއި މަނާ ބޭސް ކަމަށް ޝައްކުކުރެވޭ 23 ގުޅަ ހިފެނިފައިވާ ކަމަށް ފުލުހުން ބުންޏެވެ. މީގެ އިތުރުން، ދެ މީހުންގެ އަތުން 40،515ރ. އާއި 136 ޑޮލަރު ވެސް ފެނިފައިވެ އެވެ.

ފުލުހުން ބުނީ މި ފައިސާ އަކީ މަސްތުވާތަކެތީގެ ވިޔަފާރިކޮށްގެން ހޯދާފައިވާ ފައިސާ ކަމަށް ތުހުމަތު ކުރެވޭތީ، އެ ފައިސާ ވެސް ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

Advertisement