ތިލަދުންމަތީގައި ތިބީ އިންވެސްޓަރުންނަށް ހުރަސް އަޅާ މެންބަރުންތަކެއް އެހެންވެ ތިލަދުންމަތީގައި އިތުރު އިންވެސްޓްމަންޓްތައް ކުރަން މިހާރު ވިޔަފާރިވެރިން ވެސް ޖެހިލުންވާ ކަމަށް ރައްޔިތުން މަޖިލީހުގެ ކާށިދޫ ދާއިރާގެ މެންބަރު ޖާބިރު ވިދާޅުވެއްޖެއެވެ.

މިއަދު ޖާބިރު ވިދާޅުވީ ތިލަދުންމަތީގައި މިހާރު ތިބި މެންބަރުން މެންބަރުންގެ ގޮތުގައި ތިއްބަވައިގެން ތިލަދުންމައްޗަށް އާއިންވެސްޓްމަންޓްތައް ނުގެންދެވޭނެ ކަމަށް ރައްޔިތުން ވެސް ގަބޫލުކޮށް އާމެންބަރުން އިންތިހާބު ކުރަން ޖެހޭ ކަމަށެވެ.

"އަޅުގަނޑަކީ ތިލަދުންމަތީގައި މިހާތަނަށް ވެސް އެންމެ ގިނަ އިންވެސްޓްމަންޓްތައް ކުރި އެކަކު. އެކަމަކު މިހާރު ތިލަދުންމަތީގައި ތިބި މެންބަރުން އަޅުގަނޑަށް ދަތިކޮށް ހުރަސް އަޅަމުން ގެންދާތީ އަޅުގަނޑު ނިންމައިފިން އަޅުގަނޑުގެ އިންވެސްޓްމަންޓްތައް ވެސް މިވަގުތައް ހުއްޓާލަން. މިހާރު މިތިބަ މެންބަރުންނާއިއެކު ތިލަދުއްމައްޗަށް ތަރައްގީއެއް ނުގެނެވޭނެ." ޖާބިރު ވިދާޅުވިއެވެ.

Advertisement

ޖާބިރު ވިދާޅުވީ ތިލަދުއްމައްޗަށް ތަރައްގީ އާއި ކުރިއެރުން ގެންނަން ރައްޔިތުން ބޭނުންވާ ކަމަށާއި ނަމަވެސް ނިމިގެން ދިޔަ ސަރުކާރުގައި ވެސް އެކަން ނުކުރެވުނީ ތިލަދުންމައްޗަށް ނިސްބަތްވާ ރައްޔިތުން މަޖިލީހުގެ މެންބަރުންގެ ސަބަބުން ކަމަށެވެ.