ޖަރުމަނުގެ ފުޓްބޯޅަ ލެޖެންޑް، ފްރާންޒް ބެކެންބާއު މަރުވެއްޖެ އެވެ.

ބެނެކްބާއު ،78، އަކީ ފީފާ ވޯލްޑް ކަޕް ކުޅުންތެރިއެއްގެ ގޮތުގައި އަދި ކޯޗެއްގެ ގޮތުގައި ކާމިޔާބުކުރި ތިން މީހުންގެ ތެރެއިން އެކަކެވެ. އެކަން ހާސިލުކުރީ، ބެކެންބާއުގެ އިތުރުން ފްރާންސްގެ ޑިޑިއޭ ޑެޝޯމްޕްސް އާއި ބްރެޒިލްގެ ލެޖެންޑް މާރިއޯ ޒަގާލޯ އެވެ.

މީގެތެރެއިން ޒަގާލޯ ވަނީ އުމުރުން 92 އަހަރުގައި މިދިޔަ ހަފްތާގައި މަރުވެފަ އެވެ.

Advertisement

ވެސްޓް ޖަރުމަނުގެ ކެޕްޓަނެއްގެ ގޮތުގައި ބެކެންބާއު ވަނީ 1974 ވަނަ އަހަރު ވޯލްޑް ކަޕްގެ ތަށި ހޯދާފަ އެވެ. އަދި ކޯޗެއްގެ ގޮތުގައި ވަނީ 1990 ވަނަ އަހަރުގެ ފީފާ ވޯލްޑް ކަޕް ކާމިޔާބުކޮށްފަ އެވެ.

ޖަރުމަނުގެ ގަދަ ބާރު ބަޔާން މިއުނިކަށް 582 މެޗު ކުޅެދިން ބެކެންބާއު ވަނީ އެ ޓީމުގެ ކުޅުންތެރިއެއް އަދި ކޯޗެއްގެ ގޮތުގައި ޖަރުމަނުގެ ގިނަ މުބާރާތްތައް ކާމިޔާބުކޮށްފަ އެވެ.

ބެލޮންޑިއޯ އެވޯޑް ދެ ފަހަރު ހޯދި ބެކެންބާއު ވަނީ ޔޫރޯ ތަށި 1972 ވަަނަ އަހަރު ހޯދައިފަ އެވެ.