ރައީސް ޑރ. މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދުގެ ދޮންބައްޕަ އަވަހާރަވެއްޖެ އެވެ.

ދ. މީދޫ ގުލްޝަންކިނާރާ، އަލީ އިބްރާހިމް (ދޮންއަލިބެ) އުމުރުން 78 އަހަރުގައި އަވަހާރަވީ ރޭގެ ފަތިހުގެ ވަގުތެއްގަ އެވެ. އޭނަގެ ޖަނާޒާ ބާއްވަން ނިންމާފައި ވަނީ މިއަދު މެންދުރު ނަމާދަށް ފަހު އިސްލާމީ މަރުކަޒު ގަ އެވެ.

މި ވަގުތު އިންޑިއާގައި ހުންނެބި ރައީސް މުއިއްޒު ވަނީ ޖަނާޒާގައި ވީހާ ވެސް ގިނަ ބަޔަކު ބައިވެރިވުމަށް އެދިވަޑައިގެންފަ އެވެ. ރައީސް ރޭ ދަންވަރު އިންޑިއާ އަށް ވަޑައިގެންނެވީ ބޮޑުވަޒީރު ނަރެންދުރަ މޯދީގެ ތިން ވަނަ ދައުރުގެ ހުވާކުރެއްވުމުގެ ރަސްމިއްޔާތަށެވެ.

Advertisement

ސާޖިދާގެ ދޮންބައްޕަ އަވަހާރަވުމާ ގުޅިގެން ޕީއެންސީ އާއި ޕީއެމުން ތައުޒިޔާ ކިޔާފައިވެ އެވެ.